བོད་ཀྱི་ལོ་ཙཱ་བ།

ང༽ རྒྱའི་སྐད་ནས་བོད་སྐད་དུ་གཞུང་ལུགས་བསྒྱུར་རྒྱུ་ཇི་ཡོད།   རྒྱ་སྐད་དུ་རང་རེ་བོད་ལྟར་ལེགས་སྦྱར་དང་། པཱ་ལི་ནས་བསྒྱུར་བའི་ཆོས་ཚན་ ༡༤༦༧ ཙམ་བཞུགས་ཡོད། དེ་ལས་གཞུང་བརྒྱ་ཕྲག་འགའ་ཤས་ལ་བོད་འགྱུར་དེ་སྔ་ནས་ལེགས་སྦྱར་དང་། རྒྱ་ལས་བསྒྱུར་བ་བཞུགས་ཡོད། དེང་དུས་བོད་སྒྱུར་མེད་ཅིང་ད་ལྟ་རྒྱ་ནག་གི་བཀའ་བསྟན་དུ་བཞུགས་པ་བོད་འགྱུར་དགོས་ངེས་ཅན་འགའི་མཚན་བསྡུས་ཏེ་བཀོད་ན། ཤེར་ཕྱིན་སྟོང་ཕྲག་བརྒྱ་པ་རྒྱས་པའི་རྒྱས་པ་བམ་པོ་དྲུག་བརྒྱའི་བདག་ཉིད་ཅན། འོད་སྲུང་སྡེ་པའི་དགེ་སློང་ཕའི་སོ་ཐར་གྱི་མདོ།

ག༽ རྒྱའི་སྐད་ནས་བོད་སྐད་དུ་བསྟན་བཅོས་ཇི་ཙམ་བསྒྱུར་བ།   དེ་ཡང་བསྟན་བཅོས་ཇི་ཙམ་རྒྱ་ལས་སྒྱུར་ཡོད་ཅེ་ན།[1] ༡༽ མདོ་སྡེ་དགོངས་འགྲེལ་གྱི་འགྲེལ་པ་རྒྱའི་སློབ་དཔོན་རྫོགས་གསལ་གྱི་མཛད་པ་དང་། ༢༽ དམ་ཆོས་པདྨ་དཀར་པོ་འགྲེལ་པ། ༣༽ རྡོ་རྗེ་གཅོད་པའི་ཊཱིཀཱ། ༤༽ མདོ་ལངྐར་གཤེགས་པའི་བསྡུས་དོན། ༥༽ ལངྐར་གཤེགས་པའི་མདོའི་ཊཱི་ཀཱ་གཞན། ༦༽ མདོ་ཆོས་ཀྱི་རྒྱ་མོའི་བཤད་པ། ༧༽ ཆོས་དཀོན་མཆོག་ལ་ཅིག་ཅར་དུ་འཇུག་པའི་སྒོ་མཁན་པོ་བདུན་གྱི་རྒྱུད་ཀྱི་མདོ།

ཁ༽ རྒྱའི་སྐད་ནས་བོད་སྐད་དུ་བཀའ་འགྱུར་ཇི་ཙམ་བསྒྱུར་བ།   དེ་ཡང་རྒྱ་སྐད་ནས་བོད་འགྱུར་ལ་བཀའ་བསྟན་ཇི་ཙམ་བསྒྱུར་ཡོད་ཅེ་ན།[1] དཀར་ཆག་ལྡན་དཀར་མ་[2]ལྟར་ན། རྒྱ་ནག་གི་བཀའ་འགྱུར་ནས་བོད་བསྒྱུར་བྱས་པ་མདོ་ཉེར་གསུམ་གྱི་མཚན་བཞུགས་ཡོད་པ་རྣམས་ནི། ༡༽ ཡོངས་སུ་མྱ་ངན་ལས་འདས་པའི་མདོ། ༢༽ མདོ་མཛངས་བླུན། ༣༽ འཕགས་པ་གསེར་འོད་དམ་པའི་མདོ། ༤༽ འཕགས་པ་ལངྐར་གཤེགས་པ་རིན་པོ་ཆེའི་ལེའུ། ༥༽ འཕགས་པ་ཐབས་མཁས་པ་ཆེན་པོ་དྲིན་ལ་བླན་པའི་ཆོས་ཀྱི་མདོ།

བཅུ་གཅིག །རྒྱ་ནག་གི་ལོ་ཙཱ་བ་ཇི་བྱུང་དང་། དེ་དག་གིས་བསྒྱུར་བའི་བཀའ་བསྟན།   ཀ༽ རྒྱ་ནག་གི་ལོ་ཙཱ་བ་ཇི་བྱུང་། དེ་ཡང་གུང་ལོ་ཙཱ་བ་མགོན་པོ་སྐྱབས་ཀྱིས་མཛད་པའི་རྒྱ་ནག་ཆོས་འབྱུང་ལས[1]། དེ་ལ་ཧཱན་མིང་དྷཱིའི་ཡུང་ཕིང་ལོ་བཅུ་པ་ནས། ཐང་ཡིང་ཧུའང་གི་ཁའི་ཡུའན་ལོ་བཅོ་བརྒྱད་པའི་བར་ལོ་དྲུག་བརྒྱ་རེ་གསུམ་གྱི་རིང་ལ། སྒྲ་སྒྱུར་མཁན་པོ་ ༡༧༦ བྱུང་བའི་འགྱུར་ཆོས་བཀའ་བསྟན་ཁྱོན་བསྡོམས་གླེགས་བམ་ཆིག་སྟོང་ལྔ་བརྒྱ་རྩ་བདུན་བཞུགས་པར་སྣང་། དུས་དེ་ནས་ཐང་ཏེ་ཙུང་རྒྱལ་པོའི་ཊེན་ཡའན་ལོ་ལྔ་པའི་བར་ལོ་དྲུག་ཅུའི་རིང་ལ་མཁན་པོ་བརྒྱད་བྱུང་བའི་སྔ་ཕྱིར་འགྱུར་བ་གླེགས་བམ་ཉིས་བརྒྱ་བཞི་བཅུ་རྩ་གཉིས་བསྣན་ཏེ། བཀས་གཏད་ཀྱི་དཀར་ཆག་ཊེན་ཡུའན་ལཱུས་མཛད།