བོད་ཀྱི་ལོ་ཙཱ་བ།

ཁ༽ པཱ་ལི་ནས་བཀའ་བསྟན་བོད་འགྱུར་ཇི་བཞུགས། དང་པོ་པཱ་ལི་ནས་བོད་འགྱུར་ལ་མཚོན་ན། ཕྱི་ལོའི་དུས་རབས་བཅུ་གསུམ་པའི་ནང་བུ་སྟོན་ཐམས་ཅད་མཁྱེན་པའི་བླ་མ་ཐར་པ་ལོ་ཙཱ་བ་ཉི་མ་རྒྱལ་མཚན་དང་། སིངྷ་ལའི་སློབ་དཔོན་ཨཱནནྡ་ཤྲཱི་གཉིས་ཀྱི་གནས་བརྟན་སྡེ་པའི་སྐྱེས་རབས་ཀྱི་གླེང་གཞི་དང་། མདོ་སྡེ་ཚངས་པའི་དྲྭ་བ། ཆོས་འཁོར་གྱི་མདོ། ལྕང་ལོ་ཅན་གྱི་ཕོ་བྲང་གི་མདོ། བཀྲ་ཤིས་པ་ཆེན་པོའི་མདོ་སོགས་མདོ་བཅུ་གསུམ་བསྒྱུར་ཡོད་པ་རྣམས་དེང་པཱ་ལིའི་སྡེ་སྣོད་གསུམ་ནང་བཞུགས་པ་དང་མཐུན་པ་མང་དག་ཅིག་སྣང་ཞིང་།

བཅུ་པ། པཱ་ལིའི་སྐད་ནས་བོད་འགྱུར་ཇི་བྱུང་སྐོར། ཀ༽ པཱ་ལིའི་གོ་དོན་དང་ངོས་འཛིན།   དེ་ཡང་པཱ་ལི་ཞེས་པ་ནི། སཾ་བོད་རྒྱ་གསུམ་ཤན་སྦྱར་ཚིག་མཛོད་ལས[1]། པཱལཱིཤ་ནི་ཤ་ཟ་དང་། པཱལི་ཁ་རན་དང་རྩེ་མོ་སོགས་ལ་འཇུག་པ་དང་། པྲཀྲིཏ་རང་བཞིན་[2]ལ་འཇུག་པར་གསལ་བ་ལྟར། པཱལི་ཞེས་པ་བོད་སྐད་དུ་བསྒྱུར་ན། རྒྱུན་ཆགས་དང་རང་བཞིན་གཉིས་སུ་གྲུབ་པ་ལས། དང་པོ་ནི། མཁས་དབང་དགེ་འདུན་ཆོས་འཕེལ་ (1903-1951) གྱིས་མཛད་པའི་སིངྒ་ལའི་ལོ་རྒྱུས་ལས[3]། འོ་ན་གནས་བརྟན་པའི་མདོ་སྡེ་ལ་སོགས་པ་དེ་ཀུན་སྐད་རིགས་ཅི་འདྲ་ཞིག་ཏུ་ཡོད་སྙམ་ན།

ཆ༽ ལིའི་སྐད་ནས་བོད་སྐད་དུ་བསྒྱུར་བའི་བཀའ་བསྟན། ༡༽ ལིའི་སྐད་ནས་བཀའ་བསྟན་བསྒྱུར་ཞུས་ཀྱི་བྱུང་རབས།   དེ་ཡང་དཔའ་བོ་གཙུག་ལག་ཕྲེང་བས་ (1504-1564/1566) མཛད་པའི་ཆོས་འབྱུང་མཁས་པའི་དགའ་སྟོན་ལས[1]། ཟ་ཧོར་ཁ་ཆེ་ཡུལ་དབུས་རྒྱ་སོགས་ནས། ། པཎ་ཆེན་ཚད་ལྡན་མང་དུ་སྤྱན་དྲངས་ཏེ། ། མཁས་པའི་ལོ་ཙཱ་དུ་མས་རྒྱ་གར་ནག ། ལི་ཡུལ་སོགས་ནས་རྒྱལ་བའི་གསུང་རབ་ནི། ། ཇི་སྙེད་བཞུགས་པ་ཕལ་ཆེར་བོད་དུ་བསྒྱུར། །

ཅ༽ ལིའི་དགེ་ཚུལ་གཉིས་ཀྱིས་སྤྱན་རས་གཟིགས་བསྒྲུབས་པ།   དེ་ཡང་དཔའ་བོ་གཙུག་ལག་ཕྲེང་བས་ (1504-1564/1566) མཛད་པའི་ཆོས་འབྱུང་མཁས་པའི་དགའ་སྟོན་ལས[1]། དེ་ལྟར་ཐུགས་དམ་ལྷ་ཁང་མཐར་ཕྱིན་ནས། །དགེ་བཅུའི་རྒྱལ་ཁྲིམས་བཙན་ཞིང་བརྟན་པའི་ཕྱིར། །སྤྲུལ་པའི་ཁྲིམས་ར་དངངས་ཤིང་འཇིགས་པ་བཅས། །མི་དགེ་བཅུ་ལ་སྤྱོད་ཅིང་མི་ལྡོག་པ། །དེ་དག་གཤེད་མ་འཇིགས་རུང་གིས་བཟུང་སྟེ། །མགོ་དང་ཡན་ལག་ཉིང་ལག་གཅོད་ཅིང་བཏུབ། །ལྕེ་དང་མིག་འབྲུ་ཁྲོ་ཆུས་པགས་པ་བརྙིལ། །མགོ་དང་ཡན་ལག་མིག་སོགས་ཕུང་པོར་སྤུངས། །