བོད་ཀྱི་ལོ་ཙཱ་བ།

༢༧༽ ཨཱཅཱརྱ་རྒྱལ་མཚན་རྣམ་གྲོལ་ལགས།   ཨཱཅཱརྱ་རྒྱལ་མཚན་རྣམ་གྲོལ་ལགས་ནི། སྟོད་མངའ་རིས་སུ་སྐུ་འཁྲུངས་ཤིང་། བཙན་བྱོལ་དུ་ཕེབས་རྗེས་ཌལ་ཧོར་གཏན་སློབ་ཏུ་གཞི་རིམ་སློབ་སྦྱོང་གནང་། འཛིན་རིམ་བརྒྱད་པ་ཐོན་ཏེ་ཕྱི་ལོ་ ༡༩༧༡ ལོར་ཝཱ་ཎ་ཆེས་མཐོའི་གཙུག་ལག་སློབ་གཉེར་ཁང་དུ་འཛུལ་ཞུགས་གནང་། ཕྱི་ལོ་ ༡༩༨༠ ལོར་བསླབ་པ་མཐར་སོན་ཏེ་ཨཱཅཱརྱའི་མཚན་གནས་བཞེས། དེ་རྗེས་བོད་སྐད་ནས་ལེགས་སྦྱར་དུ་ཕབ་སྒྱུར་གྱི་སློབ་སྦྱོང་དང་མཉམ་དུ་སྒྲ་སྒྱུར་གྱི་ཕྱག་ལས་གནང་།

༢༦༽ ལོ་ཙཱ་བ་དོར་ཞི་གདོང་དྲུག་སྙེམས་བློ།   ལོ་ཙཱ་བ་ཨ་ལགས་དོར་ཞི་གདོང་དྲུག་སྙེམས་བློ་ནི། མཚན་ཆ་ཚང་ལ་དོར་ཞི་བློ་བཟང་ཐུབ་བསྟན་ཆོས་འཕེལ་ལམ་དོར་ཞི་གདོང་དྲུག་སྙེམས་པའི་བློ་ལྡན་ཞུ་ཞིང་། ཕྱི་ལོ་ ༡༩༣༥ ལོར་ཀན་སུའུ་དཔའ་རིས་སུ་སྐུ་འཁྲུངས། དགུང་ལོ་ ༡༢ སྟེང་དཔའ་རིས་མཆོད་རྟེན་ཐང་གི་བཤད་གྲྭར་ཞུགས་ནས་བསྡུས་ཚད་རྒྱན་འཇུག་སོགས་མཚན་ཉིད་དང་། སྒྲ་སྙན་སྨན་རྩིས་སོགས་ཐུན་མོང་རིག་གནས་ལ་གསན་སྦྱོང་ལེགས་པར་མཛད།

༢༥ ལོ་ཙཱ་བ་ཇོ་ནང་ཀུན་དགའ་སྙིང་པོ།   ལོ་ཙཱ་བ་ཇོ་ནང་ཀུན་དགའ་སྙིང་པོའམ་རྗེ་བཙུན་ཏཱ་ར་ནཱ་ཐ་མཆོག་ནི། ཡུལ་དབུས་གཙང་གཉིས་ཀྱི་མཚམས་ཇོ་མོ་ཁ་རག་དང་ཉེ་བར་འབྲང་ཞེས་པའི་གནས་སུ་ཡབ་རྭ་ལོའི་གདུང་རྒྱུད་རྣམ་རྒྱལ་ཕུན་ཚོགས་དང་ཡུམ་རྡོ་རྗེ་བུ་དགའ་གཉིས་ཀྱི་སྲས་སུ་རབ་བྱུང་བཅུ་པའི་ཤིང་ཕག་ཕྱི་ལོ་ ༡༥༧༥ ལོར་ཆོས་འཁོར་སྡིངས་སུ་སྐུ་བལྟམས། མེས་པོས་པདྨ་སྲི་གཅོད་རྡོ་རྗེ་ཞེས་མཚན་གསོལ།

༢༤༽ ལོ་ཙཱ་བ་བསོད་ནམས་རྒྱ་མཚོའི་སྡེ།   དེ་ཡང་སྤྱན་སྔ་བ་ཆོས་ཀྱི་གྲགས་པ་ཡེ་ཤེས་དཔལ་བཟང་པོས་ (1453-1524) མཛད་པའི་ རྗེ་བཙུན་ལོ་ཙཱ་བ་ཆེན་པོ་བསོད་ནམས་རྒྱ་མཚོའི་སྡེ་ལ་བསྟོད་པ་བྱིན་རླབས་ཀྱི་དགའ་སྟོན་ལས[1]། ཕུལ་བྱུང་བསོད་ནམས་ཡེ་ཤེས་ཟག་མེད་ཀྱིས། ། མངོན་པར་བསྐྲུན་ལས་སྙིང་རྗེའི་རྒྱ་མཚོ་ནི། ། གཞན་ངོར་སྤྲུལ་པའི་སྣང་བརྙན་ཅིར་ཡང་འཆར། ། བཟོ་དང་སྐྱེ་དང་བྱང་ཆུབ་ཆེན་པོར་སྟོན། །