བོད་ཀྱི་ལོ་ཙཱ་བ།

ཆ༽ སྒྱུར་བྱེད་ལོ་ཙཱ་བའི་རྣམ་ཐར་ངོ་སྤྲོད། ༡༽ ཞུ་ཆེན་གྱི་ལོ་ཙཱ་བ་སྐ་བ་དཔལ་བརྩེགས།   ཞུ་ཆེན་གྱི་ལོ་ཙཱ་བ་སྐ་བ་དཔལ་བརྩེགས་མཆོག་ནི། (ཀ་བ་དཔལ་བརྩེགས་དང་། བནྡེ་དཔལ་བརྩེགས། དཔལ་བརྩེགས་རཀྵི་ཏ་ཞེས་པའང་སྣང༌།) མེ་བྱ་ཕྱི་ལོ་ ༧༥༧ ལོར་སྐུ་འཁྲུངས། དེ་ཡང་པདྨ་བཀའ་ཐང་ལས། དབུ་རུ་འཕན་ཡུལ་སྐ་བ་ཞེས་བྱ་བར༔ ཡབ་མིང་སྐ་བ་བློ་ལྡན་ཞེས་བྱ་དང་༔ ཡུམ་མིང་འབྲོ་བཟའ་རྡོ་རྗེ་ལྕམ་གྱི་བུཿ ཤཱཀ་ཐུབ་ཉེར་གནས་ཙུནྡ་ཚེ་འཕོས་པ༔

༥༽ ལོ་ཙཱ་བ་བསོད་ནམས་རྣམ་རྒྱལ།   ལོ་ཙཱ་བ་བསོད་ནམས་རྣམ་རྒྱལ་མཆོག་ནི། ཕྱི་ལོའི་དུས་རབས་བཅུ་བཞི་པའི་ནང་སྐུ་འཁྲུངས་པའི་ལོ་ཙཱ་བ་ཞིག་སྟེ། ཁོང་གི་འགྱུར་ལ། བསྟན་འགྱུར་ལས། ལྔ་བརྒྱ་པ་རྣམས་ཀྱི་གཙུག་གི་ནོར་བུ་ལྟར་གྱུར་པ་མཐོང་ལམ་རྒྱུད་ལ་སྐྱེས་པའི་གང་ཟག་སློབ་དཔོན་ཆེན་པོ་ཟླ་བ་གྲགས་པའི་ཞལ་སྔ་ནས་མཛད་པའི་ཐུགས་རྗེ་ཆེན་པོ་ལ་སྨྲེ་སྔགས་ཀྱིས་བསྟོད་པ་བྱིན་རླབས་ཅན་ཞེས་བྱ་བ་སྒྲ་སྒྱུར་མཛད་པ་སོགས་བཞུགས་སོ།།

༤༽ ལོ་ཙཱ་བ་བནྡེ་པ་ཚབ་ཉི་མ་གྲགས།   ལོ་ཙཱ་བ་བནྡེ་པ་ཚབ་ཉི་མ་གྲགས་མཆོག་ནི། སེ་ར་ཀུན་མཁྱེན་བློ་གྲོས་རིན་ཆེན་ (1386-1423) གྱིས་མཛད་པའི་བསྟོད་པ་དགེ་ལེགས་དཔལ་འབར་མ་ལས[1]། སྐྱེ་བ་ཀུན་ཏུ་ཁྱོད་གསུང་ལྕགས་ཀྱུ་ཡིས། ། ལེགས་པར་དྲངས་ཏེ་བདག་ཡིད་གླང་པོ་ཆེ། ། གྲགས་པ་རྣམ་གསུམ་གཞུང་གི་ལམ་བཟང་ནས། ། ཐར་པའི་གྲོང་མཆོག་འཇུག་པར་བྱིན་གྱིས་རློབས། །

༡) བ་རི་ཆོས་གྲགས།   ལོ་ཙཱ་བ་དྷརྨ་ཀཱིརྟི་སྟེ་བ་རི་ཆོས་གྲགས་མཆོག་ནི། ཕྱི་ལོའི་དུས་རབས་བཅུ་གཅིག་པའི་དུས་སྨད་ཙམ་དུ་སྐུ་འཁྲུངས། ལོ་ཙཱ་བ་དགེ་སློང་རྡོ་རྗེ་རྒྱལ་མཚན་དང་དུས་མཉམ་པའི་སྙན་གྲགས་ཅན་གྱི་ལོ་ཙཱ་བ་ཞིག་སྟེ། ཐོག་མར་བོད་ཡུལ་ནས་སློབ་གཉེར་མཛད་ཅིང༌། དེ་ནས་ཁ་ཆེ་དང༌། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་རྒྱ་གཞུང་དང་ལེགས་སྦྱར་གྱི་སྐད་ལ་ཕུལ་དུ་ཕྱིན་པ་སྦྱངས་ཤིང་།