པཎ་གྲུབ་སྐོར་བཀའ་སློབ།

ངས་ནམ་རྒྱུན་སློབ་དཔོན་ལེགས་ལྡན་མགོན་པོ་ཀླུ་སྒྲུབ་ཀྱི་དགེ་ཕྲུག་ཡིན་པ་དང་། དབུ་མ་སྙིང་པོ་རྩ་འགྲེལ་ཧ་ལས་པ་རེད། བུདྡྷ་པཱ་ལི་ཏའམ་སློབ་དཔོན་སངས་རྒྱ་བསྐྱངས་མགོན་པོ་ཀླུ་སྒྲུབ་ཀྱི་དགེ་ཕྲུག་ཡིན་ན་ཡང་། བཏགས་ཡོད་མིང་རྐྱང་ཙམ་གྱི་རྟེན་འབྱུང་ཧ་ཅང་གསལ་པོར་གསུང་མཁན་དེ་བུདྡྷ་པཱ་ལི་ཏ་རེད། སློབ་དཔོན་ལེགས་ལྡན་དེ་འདྲ་རང་ཆགས་མེད་སྟབས། ངས་ནམ་རྒྱུན་རྩེ་མོ་རྩེས་ནས་སློབ་དཔོན་ལེགས་ལྡན་དང་བུདྡྷ་པཱ་ལི་ཏ་གཉིས་ཀས་མགོན་པོ་ཀླུ་སྒྲུབ་ཀྱི་སྐུ་མདུན་ནས་རྩ་བ་ཤེས་རབ་གསན་ཡོད་ཀྱང་།

ང་ཚོས་བཤད་པ་ནི་ངོས་རང་སྒེར་གྱི་ཉམས་མྱོང་ཐོག་ནས་བཤད་པ་ཡིན་ན། འདས་པའི་ལོ་བཞི་བཅུ་མ་ཟིན་ཙམ་གྱི་རིང་ལ་ཚན་རིག་པ་དང་འཛམ་གླིང་གི་མཁས་དབང་མང་པོར་ཐུག་ཡོད་པ་རེད། ཁོ་ཚོར་ཐུག་ཡོང་སྐབས་ང་ཚོ་བོད་གངས་ཅན་གྱི་ལྗོངས་ལ་ནཱ་ལེནྡྲ་ནས་ཡོང་བའི་ཤེས་ཡོན་དེ་ནི་རྒྱུ་མཚན་ལྡན་པའི་ཐོག་ནས་འགྲེལ་བཤད་རྒྱག་རྒྱུ་ཡོད་པས་ཧ་ཅང་གལ་ཆེན་པོ་ཞིག་རེད།

ནཱ་ལེནྡྲའི་ལུགས་སྲོལ་དང་། དཔྱད་ཞིབ་ཀྱི་གལ་གནད། ཤེས་ཡོན་ཞེས་པ་ནི། དེབ་ནང་ཡོད་པ་དེ་རང་ཡིན་པ་རེད་སྙམ་ནས་བསྡད་པ་ལྟ་བུ་མིན་པར། རང་ཉིད་ཀྱིས་བསམ་བློ་བཏང་སྟེ་དཔྱད་པ་བྱས་ནས་གནས་ཚུལ་མང་པོ་བསྡུར་ནས་རང་ཉིད་ཀྱིས་བསམ་བློ་གཏོང་རྒྱུ་ཧ་ཅང་གལ་ཆེན་པོ་རེད་འདུག །རྒྱ་གར་གྱི་དཔལ་ནཱ་ལེནྡྲའི་མཁས་པའི་དབང་པོ་དེ་དག་གིས་གཞུང་མང་པོ་གཟིགས་ནས་དཔྱད་པ་གནང་སྟེ་ཕེབས་པ་ལས།

༸གོང་ས་༸སྐྱབས་མགོན་ཆེན་པོ་མཆོག་གིས། ངོས་ནས་རང་གར་བོད་པའི་ཞེན་ཁོག་བྱས་ཏེ་བོད་ཡིག་སློབ་དགོས་ཞེས་བརྗོད་ཀྱི་མེད། མདོར་ན་ནང་ཆོས་མི་དགོས་ན་དེ་རང་ལས། དཔལ་ནཱ་ལེནྡྲའི་ཆོས་བརྒྱུད་ཀྱི་ཟབ་པ་དང་རྒྱ་ཆེ་བའི་བརྗོད་དོན་རླབས་ཆེན་པོ་ཞིག་ཡོད་པ་དེ་དག་མི་དགོས་ན་དེ་ག་ལས། དེ་དག་དགོས་ན་བོད་ཡིག་ཀྱང་དགོས། ཞེས་བཀའ་སློབ་སྩལ།