པཎ་གྲུབ་སྐོར་བཀའ་སློབ།

  ༄༅། །ཕྱི་ལོ་ ༢༠༡༦ ཟླ་བ་ ༨ ཚེས་ ༡༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལ་དྭགས་གླེ་བཙུན་དགོན་ཐུབ་བསྟན་ཆོས་འཁོར་གླིང་དུ་སྩལ་བའི་བླང་དོར་བཀའ་སློབ་ལས་ཟུར་འདོན་ཞུས།   བར་སྐབས་འགའ་ཞིག་གི་མཐོང་ཚུལ་ལ་མཚན་ཉིད་སློབ་དགོས་ཞེས་བརྗོད་སྐབས་དགེ་ལུགས་པ་རྐྱང་པས་སློབ་དགོས་པ་ལྟ་བུའི་མཐོང་ཚུལ་ཡོང་གི་འདུག །དགེ་ལུགས་པས་མགོན་པོ་ཀླུ་སྒྲུབ་དང་། དཔལ་ལྡན་ཟླ་བ་གྲགས་པ། སློབ་དཔོན་ཕྱོགས་གླང་། དཔལ་ལྡན་ཆོས་གྲགས་སོགས་ཀྱི་གཞུང་ལུགས་དེ་དག་ཧ་ཅང་ཤུགས་ཆེར་བལྟ་བཞིན་ཡོད་སྟབས།

སྐྱབས་དངོས་ཞེས་པ་ནི་རང་ཉིད་ཀྱིས་ཉམས་ལེན་བྱས་ནས་ཡོང་དགོས་པ་ལས། སངས་ལ་སྐྱབས་སུ་མཆིའོ། །ཞེས་པ་གཅིག་པུས་འདང་ཐབས་མེད། སངས་རྒྱས་ཀྱིས་གསུངས་པའི་ཆོས་དེ་ཡང་། ཐོག་མར་བཅོམ་ལྡན་འདས་ཀྱིས་བདེན་པ་བཞི་དང་། བྱང་ཕྱོགས་སོ་བདུན་ཏེ་དྲན་པ་ཉེར་བཞག་བཞི་དང་། ཡང་དག་སྤོང་བ་བཞི། རྫུ་འཕྲུལ་གྱི་རྐང་པ་བཞི། དབང་པོ་ལྔ། སྟོབས་ལྔ། བྱང་ཆུབ་ཀྱི་ཡན་ལག་བདུན།

དཔལ་ནཱ་ལེནྡྲ་དང་། སློབ་གཉེར་གྱི་ལྟེ་གནས།   སྤྱིར་གྲུབ་ཆེན་བརྒྱད་ཅུ་རྣམས་བསམ་གྱིས་མི་ཁྱབ་པ་རེད། འོན་ཀྱང་ཡོངས་གྲགས་ཀྱི་ཐོག་ཏུ་ང་ཚོས་སློབ་གཉེར་བྱ་རྒྱུ་ཡོད་པའི་གཞུང་རྣམས་མཛད་མཁན་པཎ་གྲུབ་བཅུ་བདུན་གཙོ་བོར་གྱུར་པའི་མཁས་པ་རྣམས་ཡིན་ཅིང་། ངོས་ནས་པཎ་གྲུབ་བཅུ་བདུན་གྱི་སྐུ་པར་གཞན་ལ་སྤྲད་དེ་འགྲེལ་བཤད་རྒྱག་སྐབས་ནཱ་ལེནྡྲའི་ (Professor) མཁས་དབང་རེད་ཅེས་བརྗོད་ཀྱི་ཡོད་ལ་དོན་ལ་དེ་ལྟར་ཆགས་ཡོད། ང་ཚོའི་རྣ་བར་ནཱ་ལེནྡྲ་ཞེས་ཐོས་མ་ཐག་སློབ་གཉེར་ཁང་ཡིན་པ་ཞིག་བློ་ངོར་འཆར་བ་ལས།

ཚན་རིག་དང་མཐུན་པའི་ནང་ཆོས། བཀའ་སློབ།   ནང་པའི་ཆོས་ཞེས་པ་ནི། སྨོན་ལམ་འདོན་པ་དང་། ཕྱག་དང་མཆོད་འབུལ་བྱས་པ་གཅིག་པུ་མིན་པར། སློབ་གཉེར་བྱས་ནས་འཆད་པའི་ཚེ་དེང་སྐབས་ཚན་རིག་དང་མཐུན་པར་འཆད་རྒྱུ་ཡོད་པ་ནི་ནཱ་ལེནྡྲའི་ཆོས་བརྒྱུད་གཅིག་པུ་ཡིན་པ་ལས་གཞན་ལ་མེད། དེ་ཡང་ཕྱི་ནང་གཉིས་དང་། ཆོས་ཁས་མི་ལེན་མཁན་དག་ལའང་ངོམས་སུ་ཆོག་པ་ཞིག་ཆགས་ཡོད། འདི་ལྟ་བུའི་ནང་ཆོས་འདི་ང་ཚོས་དམ་དོན་གྱིས་གཅེས་འཛིན་བྱ་རྒྱུ་གལ་གནད་ཆེན་པོ་ཡིན།