པཎ་གྲུབ་ཀྱི་རྣམ་ཐར།

ད༽ མེ་ཏོག་ཀུན་ཏུ་རྒྱས་པའི་སར་བྱོན་ཏེ་འགྲོ་དོན་མཛད་ཚུལ།   དེ་ཡང་ངག་དབང་ཀུན་དགའ་བློ་གྲོས་ (1729-1783) མཆོག་གིས་མཛད་པའི་ཆོས་གྲགས་ཀྱི་སྐུའི་འདོད་གསོལ་ལས[1]། སྟོབས་ལྡན་མེ་ཏོག་རྒྱས་པའི་སྒོ་དྲུང་དུ། ། མཁས་པའི་དྲིལ་བསྒྲགས་ཕྱོགས་ལས་རྣམ་རྒྱལ་ནི། ། ང་མིན་སུ་ཞེས་ཞལ་གྱིས་བཞེས་པའི་ཚེ། ། དཔལ་ལྡན་ཆོས་གྲགས་སྙན་དབྱངས་བསྒྲགས་ལ་འདུད། །

ཐ༽ སཾ་ག་ར་ཨཱ་ཙརྱ་སྐྱེ་བ་བརྒྱུད་མར་ཚར་བཅད་ཚུལ།   དེ་ཡང་རིགས་པའི་དབང་ཕྱུག་དཔལ་ལྡན་ཆོས་ཀྱི་གྲགས་པས་རིགས་པའི་ལམ་ནས་རྒོལ་ངན་རྩོད་པས་ཚར་བཅད་ཚུལ་ནི། དཀོན་མཆོག་འཇིགས་མེད་དབང་པོས་ (1728-1791) མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་ཀྱི་བསྟོད་པ་ལས[1]། དངོས་སྟོབས་རིགས་པ་སེངྒེའི་ང་རོས་ཡིས། ། སྨྲ་ངན་མུ་སྟེགས་གཉིས་འཐུང་ཀུན་འཇོམས་ཤིང་། ། ཐུབ་བསྟན་གངས་རི་སྐྱོང་བའི་དཔལ་ཡོན་ཅན། ། ཆོས་ཀྱི་གྲགས་པའི་ཞབས་ལ་ཕྱག་འཚལ་ལོ། །

ཏ༽ མུ་སྟེགས་པའི་གཞུང་ལ་སྦྱངས་ཏེ་རྩོད་པ་མཛད་ཚུལ།   དེ་ཡང་ངག་དབང་ཀུན་དགའ་བློ་གྲོས་ (1729-1783) མཆོག་གིས་མཛད་པའི་ཆོས་གྲགས་ཀྱི་སྐུའི་འདོད་གསོལ་ལས[1]། སློབ་དཔོན་གྲུབ་མཐའ་འཁྲུལ་འབྱིན་བཀའ་གནང་ཐོབ། ། གྲངས་ཅན་གསང་ཚིག་ཐབས་མཁས་འཕྲུལ་གྱིས་མཁྱེན། ། རྩོད་ལ་ཟླ་མེད་དྲིལ་བསྒྲགས་ཕལ་ཆེར་བྲོས། ། དོ་ཟླར་འོས་རྣམས་ཚར་བཅད་དེ་ལ་འདུད། །

ཉ༽ རྡོ་རྗེ་སློབ་དཔོན་བསྟེན་ཏེ་དངོས་གྲུབ་ཐོབ་ཚུལ།   དེ་ཡང་རྡོ་གྲུབ་འཇིགས་མེད་བསྟན་པའི་ཉི་མས་ (1865-1926) མཛད་པའི་དཔལ་ཆོས་ཀྱི་གྲགས་པ་ལ་བསྟོད་པ་ལས[1]། དཔལ་ཆེན་ཁྲག་འཐུང་གཙོ་བོས་བྱིན་བརླབས་ཤིང་། ། རིག་པ་འཛིན་པའི་ས་རྣམས་ཡོངས་སུ་རྫོགས། ། གསང་གསུམ་སྒྱུ་འཕྲུལ་དྲྭ་བའི་རོལ་མོ་ཅན། ། གྲུབ་པའི་ནང་ན་དགྱེས་མཛད་ཆོས་གྲགས་ཞབས། །