ཏ༽ འཕགས་པ་ཐོགས་མེད་ཀྱི་རྣམ་ཐར།

ག༽ འཕགས་པ་ཐོགས་མེད་ཀྱི་སྐུ་ཡི་ཆ་ལུགས།   དེ་ཡང་རྗེ་ཙོང་ཁ་པ་ཆེན་པོས་ (1357-1419) མཛད་པའི་རྒྱན་དྲུག་མཆོག་གཉིས་ལ་ཕྱག་འཚལ་བ་ལས[1]། རྣམ་བཀྲའི་གཟུགས་ལ་མིག་གིས་ལྟ་བ་བཞིན། །རྣམ་མང་རྒྱལ་བའི་གསུང་རབ་ཇི་སྙེད་ལ། ། རྣམ་དག་མཁྱེན་པ་ཐོགས་པ་མེད་འཇུག་པ། །ཐོགས་མེད་སྐུ་མཆེད་ཞབས་ལ་ཕྱག་འཚལ་ལོ། །

ཁ༽ འཕགས་པ་ཐོགས་མེད་རྒྱལ་བའི་ལུང་གིས་ཟིན་ཚུལ།   དེ་ཡང་འཛམ་གླིང་མཛེས་པར་བྱེད་པའི་རྒྱན་དྲུག་གི་ཡ་གྱལ་མངོན་པའི་རྒྱན་གྱུར་འཕགས་པ་ཐོགས་མེད་རྒྱལ་བས་ལུང་དུ་བསྟན་ཚུལ་ནི། ཀརྨ་རང་བྱུང་རྡོ་རྗེས་ (1284-1339) མཛད་པའི་ཐེག་པ་ཆེན་པོ་རྒྱུད་བླ་མའི་བསྟན་བཅོས་ཀྱི་འགྲེལ་པ་གསལ་བ་ཉི་མའི་སྙིང་པོ་ལས[1]། རྒྱལ་བས་ལུང་བསྟན་དྲང་ངེས་རྣམ་པར་འབྱེད། །ས་གསུམ་འོད་བྱེད་ལ་གནས་མཁས་པའི་མཆོག ། རྒྱལ་བ་བྱམས་པའི་ཐུགས་སྲས་འགྲན་ཟླ་བྲལ། །འཕགས་པ་ཐོགས་མེད་དེ་ལ་ཕྱག་འཚལ་ལོ། །

༣) ཐོགས་མེད་སྐུ་མཆེད་ཀྱིས་ནཱ་ལེནྡྲའི་མཁན་པོ་མཛད་ཚུལ།   ཐོགས་མེད་སྐུ་མཆེད་ཀྱིས་དཔལ་ནཱ་ལེནྡྲའི་མཁན་པོ་མཛད་ཚུལ་ནི། ཞོལ་བཀའ་འགྱུར་དཀར་ཆག་རྒྱས་པ་ལས[1]། སློབ་དཔོན་འདིས་སྐུ་ཚེའི་མཇུག་ཏུ་ནཱ་ལེནྡྲའི་མཁན་པོ་མཛད་དེ་ལོ་བཅུ་གཉིས་སུ་ནཱ་ལེནྡྲ་བསྐྱངས་ཏེ་བསྟན་པའི་བདག་པོ་མཛད། ཅེས་གསུངས་པ་ལྟར་འཕགས་པ་ཐོགས་མེད་ (395-470) ཀྱིས་ནཱ་ལེནྡྲའི་མཁན་པོ་མཛད་པར་གསལ་ལ།

ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་བཀྲ་ཤིས་བསམ་གཏན་གླིང་གི་བཀའ་བསྟན་རིན་པོ་ཆེའི་དཀར་ཆག་ཐུབ་བསྟན་གསལ་བྱེད་ལས[2]། དེ་ལྟར་རྒྱལ་བ་མྱ་ངན་ལས་འདས་པའི་ཚུལ་བསྟན་པའི་རྗེས་སུ་བསྡུ་བ་རིམ་པ་གསུམ་བྱུང་། དགྲ་བཅོམ་བདག་ཉིད་ཆེན་པོ་རྣམས་ཀྱིས་ཐུབ་པའི་བསྟན་པ་མ་ཉམས་པར་བཟུང་། དེ་ནས་རིམ་གྱིས་སེམས་ཅན་རྣམས་བསོད་ནམས་དམན་པས་ཆོས་མངོན་པ་ལ་དགྲ་ལན་གསུམ་བྱུང་བ་སོགས་ཐུབ་པའི་བསྟན་པ་ཉམས་དམས་པར་གྱུར།