༡༧ དཔལ་ལྡན་ཨ་ཏི་ཤའི་གསུང་འབུམ།

༡༽ བྱང་ཆུབ་ལམ་སྒྲོན།   དེ་ཡང་རྗེ་བཙུན་གྲགས་པ་བཤད་སྒྲུབ་ (1675-1748) ཀྱིས་མཛད་པའི་བྱང་ཆུབ་ལམ་གྱི་སྒྲོན་མའི་འགྲེལ་པ་ཉུང་ངུ་རྣམ་གསལ་ཇོ་བོ་ཆེན་པོ་དགྱེས་པའི་མཆོད་སྤྲིན་ལས[1]། མགོན་དེ་བོད་ཡུལ་དབུས་བྱོན་ནས། །ཐུབ་བསྟན་སྤྱི་དང་བཀའ་གདམས་ཀྱི། ། བསྟན་པའི་སྲོལ་ཕྱེ་ལེགས་བཤད་གཙོ། །བྱང་ཆུབ་ལམ་སྒྲོན་ཞེས་སུ་གྲགས། །

ས༽ རྨད་བྱུང་ལེགས་བཤད་ཀྱི་བསྟན་བཅོས་མཛད་ཚུལ།   དེ་ཡང་པཎ་ཆེན་སྐུ་ཕྲེང་དགུ་པ་བློ་བཟང་ཐུབ་བསྟན་ཆོས་ཀྱི་ཉི་མ་ (1883-1937)  མཆོག་གིས་མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་སོགས་འཕགས་བོད་ཀྱི་པཎ་གྲུབ་ཆེན་པོ་འགའ་ཞིག་ལ་གསོལ་བ་འདེབས་པའི་རིམ་པར་ཕྱེ་བ་ཕུལ་བྱུང་དོན་ལྡན་ལས[1]། ཐུབ་གསུང་དྲི་མེད་ཤིང་རྟ་ཆེ་གཉིས་ཀྱིས། ། ཇི་ལྟར་བཀྲལ་བའི་ལམ་བཟང་ནོར་མཆོག་གིས། ། ཐུགས་ཀྱི་བང་མཛོད་ཡོངས་སུ་གཏམས་གྱུར་པ། ། གནས་བརྟན་མར་མེ་མཛད་ལ་གསོལ་བ་འདེབས། །

༄༅། །བྱང་ཆུབ་ལམ་གྱི་སྒྲོན་མ་བཞུགས་སོ། ། ༄༅། །རྒྱ་གར་སྐད་དུ། བོ་དྷི་པཱ་ཐ་པྲ་དཱི་པཾ། བོད་སྐད་དུ། བྱང་ཆུབ་ལམ་གྱི་སྒྲོན་མ། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དུས་གསུམ་རྒྱལ་བ་ཐམས་ཅད་དག་དང་དེ་ཡི་ཆོས། །དགེ་འདུན་རྣམས་ལ་གུས་ཆེན་པོས་ཕྱག་བྱས་ཏེ། །སློབ་མ་བཟང་པོ་བྱང་ཆུབ་འོད་ཀྱིས་བསྐུལ་གྱུར་པས། །བྱང་ཆུབ་ལམ་གྱི་སྒྲོན་མ་རབ་ཏུ་གསལ་བར་བྱ། །ཆུང་ངུ་འབྲིང་དང་མཆོག་གྱུར་པས། །སྐྱེས་བུ་གསུམ་དུ་ཤེས་པར་བྱ། །

སེམས་དཔའ་ཆེན་པོ་གཞོན་ནུ་རྒྱལ་མཆོག་གི་རྣམ་ཐར་སྙིང་བསྡུས།   དེ་ཡང་ཐེག་ཆེན་བློ་སྦྱོང་བརྒྱ་རྩ་ཕྱོགས་སྒྲིག་མཛད་པ་པོ་ནི། ༡༽ སེམས་དཔའ་ཆེན་པོ་གཞོན་ནུ་རྒྱལ་མཆོག་ (1300-1399) དང་། མུས་ཆེན་དཀོན་མཆོག་རྒྱལ་མཚན་ (1388-1469/1470) རྣམ་གཉིས་ལས། ༡༽ སེམས་དཔའ་ཆེན་པོ་བྱང་སེམས་གཞོན་ནུ་རྒྱལ་མཆོག་ནི། ལ་སྟོད་བྱང་དུ་སྐུ་འཁྲུངས་ཤིང་། དབུས་སུ་ཕེབས་ནས་སེམས་དཔའ་ཆེན་པོ་ཀུན་བཟང་ལས་དབུ་ཚད་གསན།