༡༧ དཔལ་ལྡན་ཨ་ཏི་ཤའི་གསུང་འབུམ།

༡) ཇོ་བོའི་ཆོས་འབྱུང་བརྒྱ་རྩའི་མཚན་བྱང་། དེ་ཡང་ཇོ་བོའི་ཆོས་ཆུང་བརྒྱ་རྩར་གྲགས་པ་རྣམས་ནི། ༡ བྱང་ཆུབ་ལམ་གྱི་སྒྲོན་མ། ༢ སྤྱོད་བསྡུས་སྒྲོན་མ། ༣ བདེན་གཉིས་ལ་འཇུག་པ། ༤ དབུ་མའི་མན་ངག །༥ སྙིང་པོ་བསྡུས་པ། ༦ སྙིང་པོ་ངེས་པར་བསྡུ་བ། ༧ བྱང་ཆུབ་སེམས་དཔའི་ནོར་བུའི་ཕྲེང་བ། ༨ སྤྱོད་མདོ། ༩ འབྱུང་གླུ། ༡༠ སྤྱོད་གླུ། ༡༡ ལྟ་གླུ། ༡༢ དྲན་པ་གཅིག་པའི་མན་ངག །༡༣ དང་པོའི་ལམ་ལ་འཇུག་པ། ༡༤ སྐྱབས་འགྲོ། ༡༥ ལམ་གྱི་སྒྲུབ་ཐབས། ༡༦ ལམ་སྒྲུབ་བསྡུས་པ།

༤༽ ཇོ་བོའི་ཆོས་འབྱུང་བརྒྱ་རྩ།   དེ་ཡང་ཇོ་བོའི་ཐུགས་དམ་ཆོས་ཆུང་བརྒྱ་རྩའམ་ཆོས་འབྱུང་བརྒྱ་རྩ་[1]ནི། ཨ་ལགས་ཚེ་ཏན་ཞབས་དྲུང་ (1910-1985) གིས་མཛད་པའི་མཉམ་མེད་ཇོ་བོ་ཨ་ཏི་ཤ་རྗེས་སུ་དྲན་པའི་གདུང་དབྱངས་དད་པའི་འོ་མཚོ་འཕེལ་བའི་ཟླ་ཟེར་ལས[2]། ཇོ་བོའི་ཆོས་ཆུང་བརྒྱ་རྩ་ཞེས་བྱ་བ། ། ཐར་པ་འདོད་པ་རྣམས་ཀྱི་བཅུད་ལེན་དེའི། ། ལུང་གི་རྒྱུན་བཟང་བསྟན་གནས་ཇི་སྲིད་བར། ། སྐལ་ལྡན་བློ་གྲོས་པད་མཚོར་སྨིན་གྱུར་ཅིག །

༣༽ ཇོ་བོ་རྗེའི་བྱང་ཆུབ་ལམ་རིམ།   དེ་ཡང་ཀུན་མཁྱེན་ཙོང་ཁ་པ་ (1357-1419) ཆེན་པོས་མཛད་པའི་རྟོགས་བརྗོད་མདུན་ལེགས་མ་ལས[1]། བསྟན་པ་ཐམས་ཅད་འགལ་མེད་རྟོགས་པ་དང་། ། གསུང་རབ་མ་ལུས་གདམས་པར་འཆར་བ་དང་། ། རྒྱལ་བའི་དགོངས་པ་བདེ་བླག་རྙེད་པ་དང་། ། ཤེས་སྤྱོད་ཆེན་པོའི་གཡང་ས་ལས་ཀྱང་བསྲུངས། །

༢༽ ལམ་སྒྲོན་དཀའ་འགྲེལ་ཇོ་བོའི་གསུང་ཡིན་མིན།   དེ་ཡང་གཙང་པཎྜི་ཏ་པཎ་ཆེན་ཐུབ་བསྟན་ཆོས་ཀྱི་ཉི་མས་ (1888-1942) མཛད་པའི་བྱང་ཆུབ་ལམ་གྱི་སྒྲོན་མའི་རྣམ་བཤད་མདོར་བསྡུས་ཐར་ལམ་བགྲོད་པའི་ཐེམ་སྐས་ལས[1]། ཟབ་མོ་ལྟ་དང་རྒྱ་ཆེན་སྤྱོད་པ་དང་། ། ཉམས་ལེན་མན་ངག་གདམས་པའི་མཛོད་འཛིན་པ། ། པཎ་གྲུབ་བྱེ་བའི་གཙུག་གི་རྒྱན་གཅིག་པུ། ། དཔལ་ལྡན་མར་མེ་མཛད་ལ་སྙིང་ནས་འདུད། །