པཎ་གྲུབ་ཀྱི་རྣམ་ཐར།

ཏ༽ བོད་ཡིག་ཏུ་གསལ་བའི་རྣམ་ཐར།   དེ་ཡང་པཎ་ཆེན་ཤཱཀྱ་མཆོག་ལྡན་ (1428-1507) གྱིས་མཛད་པའི་འཕགས་པ་ཡོན་ཏན་འོད་མཛད་ཀྱི་རྟོགས་བརྗོད་ལས[1]། བྲམ་ཟེའི་རིགས་ལས་རབ་བྱུང་བ། །གང་གི་ཡོན་ཏན་ས་གསུམ་པ། ། འོད་བྱེད་པོ་ལ་བཞུགས་བཞིན་དུ། །གཞུང་ལུགས་འབུམ་ཕྲག་བཅོ་བརྒྱད་ཙམ། ། ཐུགས་ལ་བྱོན་ནས་ཞལ་འདོན་དུ། །མཛད་པ་ཐོགས་པ་མི་མངའ་ཞེས། ། ས་སྟེང་ཆེན་པོར་གྲགས་འགའ་ཡིས། །སྙན་པར་བསྒྲགས་ལ་ཕྱག་འཚལ་ལོ། །

ཉ༽ རྒྱའི་ཡིག་ཆར་གསལ་བའི་རྣམ་ཐར།   དེ་ཡང་སློབ་དཔོན་ཡོན་ཏན་འོད་སྐུ་འཁྲུངས་པའི་ཡུལ་ནི་འཕགས་ཡུལ་དབུས་འགྱུར་འཆང་གི་བཅོམ་བརླག་ཅེས་པ་མ་ཐུ་ར་སྟེ། རྒྱའི་བཙུན་པ་ཧྥ་ཤཱན་ (CE374-462) གྱི་ལམ་ཡིག་ལས[1]། མ་ཐུ་ར་ཡི་ཡུལ་གྲུ་དང་། །ཆུ་ཀླུང་ཆེན་པོ་ཡ་མུ་ན། ། ཞེས་བྱུང་སྟེ། ཡུལ་དེ་ནས་ཤར་ལྷོའི་ཕྱོགས་སུ་བགྲོད་དེ་དཔག་ཚད་བརྒྱད་ཅུ་ལ་ཉེ་བར་འགྲོ་བ་ན། ལམ་བར་དུ་དགེ་འདུན་ཁྲི་ཕྲག་ཁ་ཤས་སྡོད་པའི་གཙུག་ལག་ཁང་ཤིན་ཏུ་མང་པོའི་ཉེ་འདབས་ནས་འདས་ཏེ་སོང་ངོ་། །གནས་དེ་དག་བརྒལ་བའི་རྗེས་སུ་རྒྱལ་པོ་ཞིག་གི་ཡུལ་དུ་སླེབས་ལ། རྒྱལ་ཁམས་དེའི་མིང་ནི་མ་ཐུ་ར་ཟེར་རོ། །ཞེས་དང་།

ཇ༽ རྒྱ་གཞུང་དུ་གསལ་བའི་རྣམ་ཐར།   དེ་ཡང་སློབ་དཔོན་ཡོན་ཏན་འོད་ཀྱི་རྣམ་ཐར་སྐོར་རྒྱ་གཞུང་དུ་གསལ་བ་ནི། ཡོན་ཏན་འོད་རང་ཉིད་ཀྱིས་མཛད་པའི་འདུལ་བ་མདོའི་འགྲེལ་པ་མངོན་པར་བརྗོད་པ་རང་གི་རྣམ་པར་བཤད་པའམ་འདུལ་བ་མདོའི་འགྲེལ་པ་བཅོམ་བརླག་མའི་མཛད་བྱང་ལས[1]། ཡུལ་བཅོམ་བརླག་གི་འཕགས་པ་གཞི་ཐམས་ཅད་ཡོད་པར་སྨྲ་བའི་རྩོད་པ་བ་ཆེན་པོ་རྣམས་ཀྱི་ཁྱུ་མཆོག་བསྟན་བཅོས་དུ་མ་མཛད་པ་གཞུང་འབུམ་ཕྲག་བཅོ་བརྒྱད་ལ་ཁ་ཏོན་མཛད་པའི་སློབ་དཔོན་ཡོན་ཏན་འོད་ཀྱིས་མཛད་པ།

ཆ༽ དགུང་ལོ་ཇི་ཙམ་བཞུགས་ནས་བསྟན་འགྲོའི་དོན་མཛད་ཚུལ།   དེ་ཡང་སློབ་དཔོན་ཡོན་ཏན་འོད་དགུང་ལོ་ཇི་ཙམ་བཞུགས་མིན་ནི། རྒྱལ་མཁན་པོ་གྲགས་པ་རྒྱལ་མཚན་ (1762-1835/1837) གྱིས་མཛད་པའི་མཉམ་མེད་ཤཱཀྱའི་རྒྱལ་པོ་དང་འཛམ་གླིང་མཛེས་བྱེད་རྒྱན་དྲུག་མཆོག་གཉིས་ཀྱི་རྟོགས་པ་བརྗོད་པ་ལྷའི་དཔག་བསམ་ལྗོན་ཤིང་ལས་སློབ་དཔོན་ཡོན་ཏན་འོད་ཀྱི་རྟོགས་བརྗོད་ཡལ་འདབ་བརྒྱད་པ་ལས[1]། དགུང་ལོ་བཞི་བརྒྱར་བསྟན་འགྲོའི་དོན་མཛད་ཏེ། ། མྱ་ངན་འདས་ཚེ་རིང་བསྲེལ་ཕུང་པོར་གྱུར། །