ཕ༽ སློབ་དཔོན་སེངྒེ་བཟང་པོའི་རྣམ་ཐར།

ཏ༽ རྒྱལ་པོ་དྷརྨ་པཱ་ལ་དང་སེང་བཟང་གི་བྱུང་བ།   དེ་ཡང་དབྱངས་ཅན་དགའ་བའི་བློ་གྲོས་ (1740-1827) ཀྱིས་མཛད་པའི་རྒྱལ་སྲས་བདག་ཉིད་ཆེན་པོ་སློབ་དཔོན་སེངྒེ་བཟང་པོ་ལ་བསྟོད་པ་བྱིན་རླབས་མྱུར་འཇུག་ལས[1]། རྒྱལ་པོ་དྷརྨ་པཱ་ལས་སྤྱན་དྲངས་ཚེ། ། བསྟན་འགྲོའི་དོན་དུ་བྱོན་ལ་གསོལ་བ་འདེབས། ། ཞེས་གསུངས་པ་ལྟར། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས[2]། དྷརྨ་པཱ་ལ་རྒྱལ་སྲིད་དུ་བསྐོས་ཏེ། འདིས་རྒྱལ་སྲིད་ལོ་དྲུག་ཅུ་རྩ་བཞི་མཛད།

ཉ༽ སློབ་དཔོན་སེང་བཟང་དུས་ནམ་ཞིག་བྱོན་མིན།   སློབ་དཔོན་སེངྒེ་བཟང་པོ་དུས་ནམ་ཞིག་བྱོན་མིན་ནི། སློབ་དཔོན་སེངྒེ་བཟང་པོ་རང་ཉིད་ཀྱིས་མཛད་པའི་འགྲེལ་པ་དོན་གསལ་ལས[1]། འགྲོ་ལ་ཆགས་པས་ཀུན་ཆགས་མཛད། །འཕགས་པ་ཐོགས་མེད་སྐྱོབ་ཉིད་ཀྱིས། །མི་ཕམ་མགོན་ལ་གསན་ནས་ནི། །བསྟན་བཅོས་ཆེན་པོའི་རྣམ་བཤད་མཛད། །འགྲོ་དོན་རྩ་ལག་དབྱིག་གི་གཉེན། །རང་གི་མོས་པ་གཙོར་བྱེད་པས། །ཤེས་བྱ་ནང་གི་ཡིན་པ་ལ། །ཡང་དག་རྟེན་ནས་རྣམ་པར་བཀྲོལ། །

ཇ༽ རྒྱལ་སྲིད་ལ་ཞེན་ལོག་དྲག་པོས་རབ་ཏུ་བྱུང་ཚུལ།   དེ་ཡང་དབྱངས་ཅན་དགའ་བའི་བློ་གྲོས་ (1740-1827) ཀྱིས་མཛད་པའི་རྒྱལ་སྲས་བདག་ཉིད་ཆེན་པོ་སློབ་དཔོན་སེངྒེ་བཟང་པོ་ལ་བསྟོད་པ་བྱིན་རླབས་མྱུར་འཇུག་ལས[1]། དེ་ཚེ་རིང་མིན་མཚོ་ཡི་འདབ་བརྒྱ་ལྟར། ། བསྐྱེད་བསྲིངས་སྲིད་འབྱོར་གློག་གི་རོལ་རྩེད་ལ། ། ཞེན་ལོག་དྲག་པོས་བསྟན་ལ་རབ་བྱུང་མཛད། ། ཚངས་སྤྱོད་དཔལ་གྱིས་མཛེས་ལ་གསོལ་བ་འདེབས། །

ཆ༽ སློབ་དཔོན་སེངྒེ་བཟང་པོ་མཁན་པོ་གང་ལས་རབ་ཏུ་བྱུང་མིན།   སློབ་དཔོན་སེངྒེ་བཟང་པོ་མཁན་པོ་གང་གི་དྲུང་ནས་རབ་ཏུ་བྱུང་བ་ནི། དེ་ཡང་སློབ་དཔོན་སེང་བཟང་རང་ཉིད་ཀྱིས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ཞེས་བྱ་བའི་འགྲེལ་པའི་མཛད་བྱང་ལས[1]། མཁན་པོ་ཡང་དག་རྣམ་སྣང་མཛད། །བླ་མ་བཟང་ལ་ཕྱག་འཚལ་ནས། ། ཚིག་ལེའུར་བྱས་པའི་འགྲེལ་གསལ་བ། །འདི་ནི་སེངྒེ་བཟང་པོས་བྱས། །