མ༽ སློབ་དཔོན་ཤཱཀྱ་འོད་ཀྱི་རྣམ་ཐར།

ཁ༽ སློབ་དཔོན་ཤཱཀྱ་འོད་ཀྱི་སྐུ་ཡི་ཆ་ལུགས།   དེ་ཡང་༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོས་ (1617-1682) མཛད་པའི་སྟོན་པ་རྒྱན་དྲུག་མཆོག་གཉིས་དང་བཅས་པར་པཎ་གྲུབ་དུ་མའི་ཞིང་བཀོད་ངོ་མཚར་ཐོར་བསྡུས་སྤེལ་བར་རྒྱབ་ཡིག་སྨོན་ལམ་ལས[1]། ཤཱཀྱ་སེང་གེའི་བཅས་ཁྲིམས་ཨུཏྤལ་ཐོད། ། མ་རྙིང་བག་ཡོད་རང་འོད་འདོམ་གང་གིས། ། འཁོར་འདས་ཉིན་མཚན་བར་མེད་རབ་གསལ་ལྷའི། ། རྐང་རྗེས་ནོན་པའི་གོམ་པ་དེང་འགོད་ཤོག །

བཅུ་དྲུག་པ། སློབ་དཔོན་ཤཱཀྱ་འོད་ ༼ཤཱཀྱ་པྲ་བྷ།༽ ཀྱི་རྣམ་ཐར། ཀ༽ མཚན་དོན་དང་མཚན་གྱི་ཐོག་མའི་བྱུང་བ།   དེ་ཡང་མཉམ་མེད་རྗེ་བཙུན་རེད་མདའ་བ་ (1349-1412) ཆེན་པོས་མཛད་པའི་མཁའ་མཉམ་མ་ལས[1]། ཚུལ་ཁྲིམས་རྒྱ་མཚོའི་དབུས་ན་གནས་བཅས་ཤིང་། ། འབུམ་ཕྲག་འདུལ་བའི་གཞུང་གི་གདེངས་ཀས་བརྗིད། ། རྣམ་གྲོལ་ཐར་པའི་ནོར་བུས་གཙུག་ན་མཛེས། ། མཆོག་གཉིས་ཀླུ་ཡི་དབང་པོ་ལ་ཕྱག་འཚལ། །

འཛམ་གླིང་རྒྱན་དྲུག་མཆོག་གཉིས་སོགས། སྤྱིར་བསྟན།   ༄༅། །འཕགས་ཡུལ་དུ་འཛམ་གླིང་རྒྱན་དྲུག་དང༌། ཆེན་པོ་བཞི། རྨད་བྱུང་གཉིས་ཏེ་བཅུ་གཉིས་ཞེས་གྲགས་པ་རྣམས་ནི། སློབ་དཔོན་ཀླུ་སྒྲུབ། འཕགས་པ་ཐོགས་མེད། སློབ་དཔོན་ཕྱོགས་གླང་གསུམ་ནི་གཞུང་བྱེད་པ་པོ་དང༌། ཨརྱ་དེ་བ། དབྱིག་གཉེན། ཆོས་ཀྱི་གྲགས་པ་གསུམ་ནི་འགྲེལ་པ་བྱེད་པ་པོ་སྟེ་རྒྱན་དྲུག་དང༌། དཔའ་བོ། སྒྲ་གཅན་འཛིན་བཟང་པོ། ཡོན་ཏན་འོད། ཆོས་སྐྱོང་སྟེ་སློབ་དཔོན་ཆེན་པོ་བཞི། ཡང་ཞི་བ་ལྷ་དང་། ཙནྡྲ་གོ་མི་སྟེ་རྨད་དུ་བྱུང་བའི་སློབ་དཔོན་གཉིས་བཅས་སོ།།

ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་བཀྲ་ཤིས་བསམ་གཏན་གླིང་གི་བཀའ་བསྟན་རིན་པོ་ཆེའི་དཀར་ཆག་ཐུབ་བསྟན་གསལ་བྱེད་ལས[2]། དེ་ལྟར་རྒྱལ་བ་མྱ་ངན་ལས་འདས་པའི་ཚུལ་བསྟན་པའི་རྗེས་སུ་བསྡུ་བ་རིམ་པ་གསུམ་བྱུང་། དགྲ་བཅོམ་བདག་ཉིད་ཆེན་པོ་རྣམས་ཀྱིས་ཐུབ་པའི་བསྟན་པ་མ་ཉམས་པར་བཟུང་། དེ་ནས་རིམ་གྱིས་སེམས་ཅན་རྣམས་བསོད་ནམས་དམན་པས་ཆོས་མངོན་པ་ལ་དགྲ་ལན་གསུམ་བྱུང་བ་སོགས་ཐུབ་པའི་བསྟན་པ་ཉམས་དམས་པར་གྱུར།