གསུང་འབུམ་དཀར་ཆག

༨༽ ལོ་ཙཱ་བ་དགེ་བཤེས་སྟོན་གཞོན།   ལོ་ཙཱ་བ་དགེ་བཤེས་སྟོན་གཞོན་གྲགས་པ་རྒྱལ་མཚན་མཆོག་ནི།  ཕྱི་ལོ་ ༡༣༧༨ ལོར་སྐུ་འཁྲུངས་པའི་ལོ་ཙཱ་བ་ཞིག་སྟེ། དགུང་ལོ་ཆུང་ངུའི་དུས་ནས་བསྟན་པའི་ཆོས་སྒོར་ཞུགས་ཤིང་རབ་བྱུང་དང་། དགེ་ཚུལ། དགེ་སློང་བཅས་ཀྱི་སྡོམ་པ་རྣམས་རིམ་གྱིས་བཞེས་ཏེ་མདོ་སྔགས་གཉིས་ཀའི་ཆོས་སྐོར་ལ་ཐོས་བསམ་རྒྱ་ཆེར་མཛད་ཅིང་། དགེ་བཤེས་ཀྱི་མཚན་བཏགས་བཞེས།

༧༽ ལོ་ཙཱ་བ་ཡར་ལོ་གྲགས་པ་རྒྱལ་མཚན།   ལོ་ཙཱ་བ་ཤཱཀྱའི་དགེ་སློང་གྲགས་པ་རྒྱལ་མཚན་མཆོག་ནི། (ཡར་ལོའམ་ཡར་ཀླུང་། ཡར་ལུངས་གྲགས་པ་རྒྱལ་མཚན།) ཕྱི་ལོའི་དུས་རབས་བཅུ་བཞི་པའི་དུས་འགོ་ཙམ་དུ་ཡར་ལུང་ལ་སྐུ་འཁྲུངས་པའི་སྙན་གྲགས་ཅན་གྱི་ལོ་ཙཱ་བ་ཞིག་ཡིན། དགུང་ལོ་ཆུང་ངུའི་དུས་ནས་བོ་དོང་དགོན་པའི་ཆོས་སྒོར་ཞུགས་ཤིང་རབ་བྱུང་དང༌། དགེ་ཚུལ། དགེ་སློང་བཅས་ཀྱི་སྡོམ་པ་རྣམས་རིམ་གྱིས་བཞེས་ཏེ།

༦༽ ལོ་ཙཱ་བ་འཇམ་དཔལ་གཞོན་ནུ།   ལོ་ཙཱ་བ་འཇམ་དཔལ་གཞོན་ནུ་མཆོག་ནི། ཕྱི་ལོའི་དུས་རབས་བཅུ་གཅིག་པའི་དུས་དཀྱིལ་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། ཐོག་མར་བོད་ཡུལ་དུ་སློབ་གཉེར་མཛད་ཅིང་། དེ་ནས་ཁ་ཆེ་དང༌། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་རྒྱ་གཞུང་དང་ལེགས་སྦྱར་གྱི་སྐད་ལ་བྱང་ཞིང་ཆུབ་པར་སྦྱངས་ནས་བསྟན་བཅོས་འགའ་ཞིག་བོད་ཡིག་ཏུ་བསྒྱུར་བར་མཛད།

༥༽ ལོ་ཙཱ་བ་དགེ་སློང་བསོད་ནམས་བཟང་པོ།   ལོ་ཙཱ་བ་དགེ་སློང་བསོད་ནམས་བཟང་པོ་མཆོག་ནི། ཕྱི་ལོའི་དུས་རབས་བཅུ་གཅིག་པའི་དུས་དཀྱིལ་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། ཐོག་མར་བོད་ཡུལ་ནས་སློབ་གཉེར་ལེགས་པར་མཛད་ཅིང་། དེ་ནས་ཁ་ཆེ་དང་། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་རྒྱ་གཞུང་དང་རྒྱ་ཡིག་བཅས་ལ་སྦྱངས་པ་དཔྱིས་ཕྱིན་པ་མཛད་དེ་བསྟན་བཅོས་འགའ་ཞིག་བོད་ཡིག་ཏུ་བསྒྱུར་བར་མཛད།