དཔལ་ནཱ་ལེནྡྲ། བྱོན་པ་ལེགས།
༨༽ ལོ་ཙཱ་བ་དགེ་བཤེས་སྟོན་གཞོན།
ལོ་ཙཱ་བ་དགེ་བཤེས་སྟོན་གཞོན་གྲགས་པ་རྒྱལ་མཚན་མཆོག་ནི། ཕྱི་ལོ་ ༡༣༧༨ ལོར་སྐུ་འཁྲུངས་པའི་ལོ་ཙཱ་བ་ཞིག་སྟེ། དགུང་ལོ་ཆུང་ངུའི་དུས་ནས་བསྟན་པའི་ཆོས་སྒོར་ཞུགས་ཤིང་རབ་བྱུང་དང་། དགེ་ཚུལ། དགེ་སློང་བཅས་ཀྱི་སྡོམ་པ་རྣམས་རིམ་གྱིས་བཞེས་ཏེ་མདོ་སྔགས་གཉིས་ཀའི་ཆོས་སྐོར་ལ་ཐོས་བསམ་རྒྱ་ཆེར་མཛད་ཅིང་། དགེ་བཤེས་ཀྱི་མཚན་བཏགས་བཞེས།
དེ་ནས་ལེགས་སྦྱར་སྐད་ཡིག་ལ་བྱང་ཞིང་ཆུབ་པར་མཛད་དེ་བསྟན་བཅོས་གཅིག་ཙམ་བོད་ཡིག་ཏུ་བསྒྱུར་བར་མཛད། སྒྱུར་རྩོམ་གཙོ་གྲས་ནི་བསྟན་འགྱུར་ལས། སློབ་དཔོན་ཆེན་པོ་ཕྱོགས་ཀྱི་གླང་པོས་མཛད་པའི་ཚད་མའི་བསྟན་བཅོས་རིགས་པ་ལ་འཇུག་པ་སོགས་བཞུགས། མར་ཕྱི་ལོ་ ༡༣༨༨ ལོར་ཞི་བར་གཤེགས་པ་བཅས་སོ།། །།
ཡོང་ཁུངས། པཎ་གྲུབ་བཅུ་བདུན་གྱི་གསུང་འབུམ་དཀར་ཆག་བསྟན་པའི་མཛེས་རྒྱན། བར་ཆ། རྩོམ་པ་པོ་རྣམ་གྲྭ་ཐུབ་བསྟན་ཡར་འཕེལ། སྐུ་བཅར་རྣམ་རྒྱལ་གྲྭ་ཚང་དང་བཀྲ་ཤིས་སྒོ་མང་གྲྭ་ཚང་། ༢༠༢༣ ལོ། ཨ་རིའི་རྒྱལ་ས་ཝ་ཤིང་ཀྲོན། Westphalia Press ཤོག་གྲངས་ ༣༩༡ ནས་ ༣༩༢ བར་གསལ་བ་ལས་བཏུས་པའོ།།