དཔལ་ནཱ་ལེནྡྲ། བྱོན་པ་ལེགས།
ཅ༽ བོད་བསྒྱུར་ཞུ་རྒྱུའི་གསུང་གི་རིགས།
དེ་ཡང་གུང་ལོ་ཙཱ་བ་མགོན་པོ་སྐྱབས་ཀྱིས་མཛད་པའི་རྒྱ་ནག་ཆོས་འབྱུང་ལས[1]། ༡༽ ཕྱོགས་གླང་གིས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་རྫོགས་པར་བསྡུས་པ་སྦྱིན་སྲུང་གི་འགྱུར། (བོད་མ་མེད་གསུངས།) ཞེས་གསལ་བ་ལྟར་གསུང་འདི་ཉིད་ལེགས་སྦྱར་ནས་རྒྱའི་སྐད་དུ་བསྒྱུར་བ་ཡོད་ཀྱང་། བོད་སྐད་དུ་བསྒྱུར་བ་མི་སྣང་ལ། གཞན་ཡང་རྒྱ་ནག་གི་བསྟན་འགྱུར་ལྟར་ན།
༢༽ ཚོད་དཔགས་རྟགས་ལེན་གྱི་བསྟན་བཅོས་སམ། རྟགས་ལེན་བཏགས་པའི་བསྟན་བཅོས། (取因假設論》T31, No1622) དང་། ༣༽ སྤྱི་མཚན་བརྟག་པའི་བསྟན་བཅོས་ཚིགས་སུ་བཅད་པ། (觀總相論頌》T31, No1623) བཅས་གསུང་བཟང་ཆོས་ཚན་གསུམ་པོ་ལེགས་སྦྱར་ནས་རྒྱའི་སྐད་དུ་བསྒྱུར་ནས་བཞུགས་ཡོད་ཀྱང་། བོད་བསྒྱུར་ཞུ་རྒྱུར་ལུས་པ་རྣམས་སོ།། །།
དཔྱད་གཞིའི་ལུང་ཁུངས་ཡིག་ཆ།
[1] རྒྱ་ནག་ཆོས་འབྱུང་། སི་ཁྲོན་མི་རིགས་དཔེ་སྐྲུན་ཁང་། ༡༩༨༣ ལོ། ཤོག་གྲངས་ ༢༤༤
ཡོང་ཁུངས། པཎ་གྲུབ་བཅུ་བདུན་གྱི་གསུང་འབུམ་དཀར་ཆག་བསྟན་པའི་མཛེས་རྒྱན། བར་ཆ། རྩོམ་པ་པོ་རྣམ་གྲྭ་ཐུབ་བསྟན་ཡར་འཕེལ། སྐུ་བཅར་རྣམ་རྒྱལ་གྲྭ་ཚང་དང་བཀྲ་ཤིས་སྒོ་མང་གྲྭ་ཚང་། ༢༠༢༣ ལོ། ཨ་རིའི་རྒྱལ་ས་ཝ་ཤིང་ཀྲོན། Westphalia Press ཤོག་གྲངས་ ༣༨༡ ནས་ ༣༨༡ བར་གསལ་བ་ལས་བཏུས་པའོ།།