དཔལ་ནཱ་ལེནྡྲ། བྱོན་པ་ལེགས།
ཁ༽ དཔལ་ཆོས་ཀྱི་གྲགས་པའི་གསུང་གི་མཚན་བྱང་།
སློབ་དཔོན་དཔལ་ཆོས་ཀྱི་གྲགས་པས་མཛད་པའི་བསྟན་བཅོས་ལ་མཚོན་ན། བསྟན་འགྱུར་གྱི་བསྟོད་ཚོགས་དང་། རྒྱུད། སྐྱེས་རབས། ཚད་མ་བཅས་སྡེ་ཚན་བཞིའི་ནང་ཆོས་ཚན་ ༡༥ བཞུགས་པ་ལས། དང་པོ་བསྟོད་ཚོགས་ཀྱི་སྐོར་ལ་གཅིག་སྟེ། ༡ སངས་རྒྱས་ཡོངས་སུ་མྱ་ངན་ལས་འདས་པ་ལ་བསྟོད་པ་དང་། གཉིས་པ་རྒྱུད་ཀྱི་སྐོར་ལ་བཞི་སྟེ།
༡ རྒྱུད་ཀྱི་རྒྱལ་པོ་ཆེན་པོ་དཔལ་དགྱེས་པ་རྡོ་རྗེའི་དཀའ་འགྲེལ་སྤྱན་འབྱེད་དང་། ༢ དཔལ་རྡོ་རྗེ་མཁའ་འགྲོའི་བསྟོད་པ་རྒྱུན་ཆགས། ༣ དཀྱིལ་འཁོར་གྱི་ཐིག་གི་ཆོ་ག ། ༤ ངན་སོང་ཐམས་ཅད་ཡོངས་སུ་སྦྱོང་བའི་རོའི་སྦྱིན་སྲེག་གི་དཀྱིལ་འཁོར་གྱི་ཆོ་ག །གསུམ་པ་སྐྱེས་རབས་ཀྱི་སྐོར་ལ་གཅིག་སྟེ། ༡ སྐྱེས་པའི་རབས་ཀྱི་རྒྱ་ཆེར་བཤད་པ། བཞི་པ་ཚད་མའི་སྐོར་ལ་དགུ་སྟེ། ༡ ཚད་མ་རྣམ་འགྲེལ་གྱི་ཚིག་ལེའུར་བྱས་པ་དང་། ༢ ཚད་མ་རྣམ་པར་ངེས་པ། ༣ རིགས་པའི་ཐིགས་པ་ཞེས་བྱ་བའི་རབ་ཏུ་བྱེད་པ། ༤ གཏན་ཚིགས་ཐིགས་པ་ཞེས་བྱ་བའི་རབ་ཏུ་བྱེད་པ། ༥ འབྲེལ་བ་བརྟག་པའི་རབ་ཏུ་བྱེད་པ། ༦ འབྲེལ་བ་བརྟག་པའི་འགྲེལ་པ། ༧ ཚད་མ་རྣམ་འགྲེལ་གྱི་འགྲེལ་པ། ༨ རྩོད་པའི་རིགས་པ་ཞེས་བྱ་བའི་རབ་ཏུ་བྱེད་པ། ༩ རྒྱུད་གཞན་གྲུབ་པ་ཞེས་བྱ་བའི་རབ་ཏུ་བྱེད་པ་བཅས་ཆོས་ཚན་ ༡༥ བཞུགས་སོ།། །།
ཡོང་ཁུངས། པཎ་གྲུབ་བཅུ་བདུན་གྱི་གསུང་འབུམ་དཀར་ཆག་བསྟན་པའི་མཛེས་རྒྱན། བར་ཆ། རྩོམ་པ་པོ་རྣམ་གྲྭ་ཐུབ་བསྟན་ཡར་འཕེལ། སྐུ་བཅར་རྣམ་རྒྱལ་གྲྭ་ཚང་དང་བཀྲ་ཤིས་སྒོ་མང་གྲྭ་ཚང་། ༢༠༢༣ ལོ། ཨ་རིའི་རྒྱལ་ས་ཝ་ཤིང་ཀྲོན། Westphalia Press ཤོག་གྲངས་ ༤༡༥ ནས་ ༤༡༦ བར་གསལ་བ་ལས་བཏུས་པའོ།།