གསོལ་འདེབས་བཀའ་ཁྲིད།

ཀ༽ ཟབ་མོ་ལྟ་བརྒྱུད་ཀྱི་རིམ་པ། ༡༽ མགོན་པོ་ཀླུ་སྒྲུབ།   རྒྱལ་ཡུམ་དགོངས་དོན་མཐའ་བྲལ་དེ་ཉིད་དོན། ། ཞེས་སོགས་ཚིགས་སུ་བཅད་པས། དཔལ་མགོན་འཕགས་པ་ཀླུ་སྒྲུབ་ལ་ཕྱག་འཚལ་བ་སྟེ། སྟོན་པ་བཅོམ་ལྡན་འདས་སངས་རྒྱས་ནས་འཁོར་གྱི་ཐོག་མ་ལྔ་སྡེ་བཟང་པོར། ཤམ་ཐབས་ཟླུམ་པོར་བགོ་བར་བྱའོ། །ཞེས་སོགས་གསུངས་པ་ནས་བཟུང་སྟེ། སྟོན་པས་གནས་དུས་ངེས་མེད་ལ་ཆོས་ཕུང་བརྒྱད་ཁྲི་བཞི་སྟོང་གསུངས་པའམ་བླང་དོར་གྱི་གནད་མང་དུ་བསྟན་ཡོད།

༄༅། །དཔལ་ནཱ་ལེནྡྲའི་པཎ་གྲུབ་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ཀྱི་བཀའ་ཁྲིད་བཞུགས་སོ།།   དཀར་ཆག   ཀ༽ ཕྱོགས་སྒྲིག་པའི་སྔོན་གླེང་། A   དང་པོ། སྔོན་འགྲོའི་རིམ་པ། ༡༽ ཆོས་འཁོར་རྣམ་གསུམ་དང་། རྒྱལ་བསྟན་དར་འཕེལ། 1 ༢༽ ནཱ་ལེནྡྲའི་བཞེད་གཞུང་དང་། བོད་བརྒྱུད་ནང་བསྟན། 11 ༣༽ ཐེག་པ་རྣམ་གསུམ་དང་། ཉམས་ལེན་གྱི་གོ་རིམ། 35 ༤༽ ཕྱི་ནང་གི་ལྟ་གྲུབ་དང་། གྲུབ་མཐའ་རྣམ་བཞི།  39 ༥༽ ནཱ་ལེནྡྲའི་རིང་ལུགས་དང་། དོན་དངོས་ཀྱི་དགེ་མཚན།  43

༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་ཕེབས་གསལ[1]། པཎ་གྲུབ་བཅུ་བདུན་གྱི་གསོལ་འདེབས་བཀའ་ཁྲིད་འདི་ཉིད་སྔ་འཕྲོས་ཧིན་དྷི་དང་། རྒྱ་ཡིག །དབྱིན་ཡིག་བཅས་སྐད་ཡིག་གསུམ་ནང་བསྒྱུར་ནས་ཡོད་དགོས་པ་གལ་ཆེན་པོ་རེད་འདུག །པཎ་གྲུབ་བཅུ་བདུན་གྱི་གསུང་རྣམས་ང་ཚོས་བདག་པོ་བརྒྱབ་པ་ཞིག་ཆགས་ཡོད། སྤྱིར་པཎ་གྲུབ་བཅུ་བདུན་རྣམས་ང་ཚོ་བོད་པའི་དགེ་རྒན་ཡིན་པར་མ་ཟད།

༄༅། །ཕྱི་ལོ་ ༢༠༡༧ ལོའི་ཟླ་བ་ ༧ ཚེས་ ༡༧ ཉིན་ལ་དྭགས་ཟངས་དཀར་ཕོ་བྲང་དུ་སྩལ་པའི་དཔལ་ནཱ་ལེནྡྲའི་པཎ་གྲུབ་བཅུ་བདུན་གྱི་གསོལ་འདེབས་ཀྱི་བཀའ་ཁྲིད་བཞུགས་སོ།།[1] (སྒྲ་འཇུག་དུམ་བུ་དང་པོའི་སྐར་མ་ ༣༨ ནས་ཕྱག་ཚོད་ ༡ དང་སྐར་མ་ ༥༨ བར་གསལ་བ་ལས་སྒྲ་ཕབ་ཞུས་པའོ།།) པཎ་གྲུབ་བཅུ་བདུན་གྱི་གསོལ་འདེབས་དད་གསུམ་གསལ་བྱེད་འདི་ཉིད་ཕྱོགས་གཅིག་ནས་ངོས་ཀྱིས་གལ་ཆེན་པོ་བརྩིས་ཏེ་བྲིས་ཤིང་། དེ་འབྲེལ་པཎ་གྲུབ་བཅུ་བདུན་གྱི་སྐུ་ཐང་ཞིག་ཀྱང་ངོས་ཀྱིས་གསར་གཏོད་ལྟ་བུ་བྱས་ཡོད། དེར་བརྟེན་ངོས་ཀྱིས་པཎ་གྲུབ་བཅུ་བདུན་གྱི་གསོལ་འདེབས་འདིའི་འགྲེལ་བཤད་གཅིག་བྱེད་དགོས་སྙམ་པ་ཞིག་བྱུང་།