༠༡ མགོན་པོ་ཀླུ་སྒྲུབ་ཀྱི་གསུང་འབུམ།

༄༅། །རྒྱལ་བས་ལུང་བསྟན་ཀླུ་སྒྲུབ་སྙིང་པོ་དང་། རྒྱལ་པོ་བདེ་སྤྱོད་བཟང་པོ་གཉིས་ཀྱིས་མཛད་པའི་ངོ་མཚར་རྨད་དུ་བྱུང་བ་མི་རོ་གསེར་སྒྲུང་ཞེས་བྱ་བ་བཞུགས་སོ།། ༼འདི་ལ་གཏམ་ལེའུ་སུམ་ཅུ་བདུན་ལྷག་ཡོད་བཞུགས།༽  (དབུ་ཤོག་ ༡)   རྒྱལ་བས་ལུང་བསྟན་ཀླུ་སྒྲུབ་སྙིང་པོ་ཞེས། ། ཕྱི་ནང་དག་པའི་སྣོད་བཅུད་གསལ་བ་དང་། ། ངེས་དོན་དབུ་མའི་ལྟ་བ་སྟོན་མཛད་པ། ། སྟོན་པ་གཉིས་པ་དེ་ལ་ཕྱག་འཚལ་ལོ། །

ཕྱོགས་སྒྲིག་པའི་སྔོན་གླེང་། ཀ༽ རོ་སྒྲུང་གི་མིང་གི་རྣམ་གྲངས།   དེ་ཡང་མཁས་དབང་དུང་དཀར་བློ་བཟང་འཕྲིན་ལས་ (1927-1997) མཆོག་གིས་མཛད་པའི་དུང་དཀར་ཚིག་མཛོད་ཆེན་མོ་ལས[1]། རོ་ལངས་གསེར་སྒྲུབ་ཀྱི་སྒྲུང་། ཡོངས་གྲགས་སུ་རོ་སྒྲུང་ཟེར། འདི་ནི་རྒྱ་གར་གྱི་སློབ་དཔོན་ཆེན་པོ་ཀླུ་སྒྲུབ་ཀྱིས་རོ་ལངས་བསྒྲུབས་ནས་ལུས་གསེར་དུ་བསྒྱུར་བའི་གཏམ་རྒྱུད་ལེའུ་མང་པོ་ཡོད་པ་ཞིག་ཡིན།

དཀར་ཆག ཕྱོགས་སྒྲིག་པའི་སྔོན་གླེང་། ཀ༽ རོ་སྒྲུང་གི་མིང་གི་རྣམ་གྲངས། ཁ༽ རོ་སྒྲུང་གི་དཔེ་རྒྱུན་ཇི་ཡོད། ག༽ རོ་སྒྲུང་གི་གླེང་གཞིའི་ཁུངས། ང༽ རོ་སྒྲུང་བསྟན་བཅོས་ཀྱི་བརྗོད་བྱ། ཅ༽ རོ་སྒྲུང་ཀླུ་སྒྲུབ་ཀྱིས་མཛད་མིན། ཆ༽ རོ་སྒྲུང་རྒྱས་པ་ལེའུ་སོ་བདུན་ཅན། ཇ༽ རོ་སྒྲུང་རྒྱས་པ་ལེའུ་ཉེར་བདུན་ཅན། ཉ༽ རོ་སྒྲུང་འབྲིང་བ་ལེའུ་ཉེར་བཞི་ཅན། ཏ༽ བོད་རིགས་ཀྱི་དམངས་ཁྲོད་གཏམ་རྒྱུད། མི་རོ་རྩེ་སྒྲུང་། ཐ༽ རོ་སྒྲུང་འབྲིང་བ་ལེའུ་ཉེར་གཅིག་ཅན། ད༽ རོ་སྒྲུང་བསྡུས་པའི་ལེའུ་བཅུ་གསུམ་ཅན།

༄༅། །མཛེ་གསོ་བའི་མན་ངག་ཀླུ་སྒྲུབ་དང་ཀླུའི་རྒྱལ་པོ་ཞུ་ལན་སོགས་བཞུགས་སོ།།[1]   ༄༅། །རྒྱ་གར་སྐད་དུ། ནཱ་ག་རཱ་ཛ་ཏཀྵཱ་ཀ་མཧཱ་ཏ་བྷི་ཀྵུ་པ་ན་ནཱ་མ། བོད་སྐད་དུ། ཀླུའི་རྒྱལ་པོ་འཇོག་པོ་དང་། དགེ་སློང་ཆེན་པོའི་ཞུ་ལན་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །རི་རབ་ཆེན་པོའི་རྨང་ཀླུའི་འཇིག་རྟེན་ན། །དུག་མཚོ་ནག་མོའི་དབུས་ན་རིན་པོ་ཆེ་སྣ་ཚོགས་པའི་གཞལ་ཡས་ཁང་ན། ཀླུའི་རྒྱལ་པོ་འཇོག་པོ་ཞེས་བྱ་བ། ཀླུ་ཐམས་ཅད་ལ་དབང་བསྒྱུར་ཞིང་རྫུ་འཕྲུལ་དང་ལྡན་པ། འོད་དང་ལྡན་པ།