པཎ་གྲུབ་ཀྱི་རྣམ་ཐར།

རྣམ་དག་སྡོམ་གསུམ་ནོར་བུས་ཡོངས་གཏམས་ཞི་དུལ་བཙུན་པའི་འོ་མཚོ་ལས། །ལེགས་འཁྲུངས་བརྩེ་ཆེན་ཡལ་འདབ་རབ་རྒྱས་བྱང་ཆུབ་ཐུགས་ཀྱི་པདྨ་དཀར། །གཞན་ཕན་ཐུགས་རྗེའི་དྲི་བསུང་ཡོངས་འཕྲོ་འཕྲིན་ལས་བཟང་པོས་འགྲོ་བ་འདུལ། །མ་ནོར་ལམ་སྟོན་ས་མཁན་ཟླ་མེད་བདག་ཉིད་ཆེན་པོ་ཞི་བ་འཚོ། །ཟབ་ལམ་རིམ་གཉིས་སྨན་མཆོག་རྩི་ཡིས་ཐ་མལ་སྒོ་གསུམ་ལྕགས་ཀྱི་ཁམས།

  ༄༅། །སློབ་དཔོན་ཆེན་པོའི་བསྟོད་པ་སྐུ་གསུམ་མ་ཞེས་བྱ་བ་བཞུགས་སོ། །   སྐུ་གསུམ་རྒྱལ་བ་ཡོངས་ཀྱི་ཐུགས་རྗེའི་ཤུགས། །གཅིག་བསྡུས་རིག་འཛིན་རྒྱལ་པོའི་ཚུལ་འཆང་བ། །བདེ་ཆེན་མཁའ་འགྲོའི་དབང་ཕྱུག་རྡོ་རྗེའི་སྐུ། །པདྨ་ཐོད་ཕྲེང་རྩལ་ལ་ཕྱག་འཚལ་བསྟོད། །སྣང་བ་མཐའ་ཡས་མགོན་པོ་སྤྱན་རས་གཟིགས། །དབྱེར་མེད་སིནྡྷུའི་དྭངས་མཚོར་སྤྲུལ་པའི་སྐུ། །འཇིག་རྟེན་གསུམ་ན་ཆེ་བའི་རིག་སྔགས་འཆང་། །མཉམ་མེད་བླ་མ་ཁྱེད་ལ་ཕྱག་འཚལ་བསྟོད། །པདྨ་ལས་འཁྲུངས་པདྨ་བཞད་པའི་ཞལ། །མཚན་དཔེའི་གཟི་འབར་རྒྱལ་ཀུན་ཞལ་སྐྱིན་མཆོག །འཇིག་རྟེན་མངའ་བསྒྱུར་མཚུངས་མེད་རྒྱལ་བའི་སྲས། །

བུ་སྟོན་ཆོས་འབྱུང་དུ་གསལ་བའི་ཞི་བ་ལྷའི་རྣམ་ཐར། བུ་སྟོན་རིན་ཆེན་གྲུབ་ (1290-1364) ཀྱིས་མཛད་པའི་བུ་སྟོན་ཆོས་འབྱུང་ལས[1]། ལྷག་པའི་ལྷ་བརྙེས་ནཱ་ལེནྡྲའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང༌། །རྒྱལ་པོ་མུ་སྟེགས་བཏུལ་བའོ། །དེ་ལ་དང་པོ་ལྷོ་ཕྱོགས་སུ་ཡུལ་འཁོར་བཟང་པོ་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་ཞི་བའི་གོ་ཆ་ཞེས་བྱ་བར་བལྟམས་ནས་གཞོན་ནུའི་ཚེ་རིག་པ་མང་པོ་བསླབས་ཤིང་། ཁྱད་པར་དུ་ཀུ་སུ་ལུ་ཞིག་ལ་འཇམ་དཔལ་རྣོན་པོའི་སྒྲུབ་ཐབས་ཤིག་ཞུས་ཏེ་བསྒྲུབས་པས་ཞལ་མཐོང་ངོ་། །

ཞོལ་བཀའ་འགྱུར་དཀར་ཆག་ཏུ་གསལ་བའི་ཞི་བ་ལྷའི་རྣམ་ཐར།   ཞོལ་བཀའ་འགྱུར་དཀར་ཆག་རྒྱས་པ་ལས[1]། རྒྱལ་སྲས་ཞི་བ་ལྷའི་ལོ་རྒྱུས་ནི། ངོ་མཚར་ཅན་གྱི་གཏམ་བདུན་ཞེས་གྲགས་ཏེ། རྒྱལ་སྲིད་རབ་སྤངས་གྲུབ་པ་བརྙེས། །གཙུག་ལག་གཉིས་ཀྱི་ཕྱོགས་ལས་རྒྱལ། །རབ་བྱུང་བདེན་གཟིགས་རྫུ་འཕྲུལ་ལྡན། །ངོ་མཚར་བདུན་ལྡན་དེ་ལ་འདུད། །ཅེས་པ་ལྟར་ཏེ། སློབ་དཔོན་འདི་ཉིད་འཁྲུངས་པའི་ཡུལ་ནི། རྡོ་རྗེ་གདན་གྱི་ནུབ་ཕྱོགས་ཡུལ་འཁོར་བཟང་པོ་ཞེས་བྱ་བ་སྟེ། ཡུལ་དེར་ཡབ་རྒྱལ་པོ་དགེ་བའི་གོ་ཆ་དང་། ཡུམ་རྡོ་རྗེ་རྣལ་འབྱོར་མའི་སྤྲུལ་པར་གྲགས་པ་ཞིག་ཡོད་པ་དེ་གཉིས་ཀྱི་སྲས་སུ་མཚན་ཞི་བའི་གོ་ཆ་ཞེས་བྱ་བར་སྐུ་འཁྲུངས།