ད༽ སློབ་དཔོན་ཕྱོགས་གླང་གི་རྣམ་ཐར།

ག༽ སློབ་དཔོན་ཕྱོགས་གླང་གི་སྐུ་ཡི་ཆ་ལུགས།   དེ་ཡང་དཀོན་མཆོག་འཇིགས་མེད་དབང་པོས་ (1728-1791) མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་ཀྱི་བསྟོད་པ་ལས[1]། འཇམ་དཔལ་དབྱངས་ཀྱིས་དགྱེས་བཞིན་རྗེས་བཟུང་བས། ། ཕྱི་ནང་གཙུག་ལག་མ་ལུས་ཐུགས་སུ་ཆུད། ། ཡང་དག་རིགས་པས་ལྟ་ངན་དྲུངས་འབྱིན་པ། ། ཕྱོགས་ཀྱི་གླང་པོའི་ཞབས་ལ་ཕྱག་འཚལ་ལོ། །

ཁ༽ སློབ་དཔོན་ཕྱོགས་གླང་རྒྱལ་བའི་ལུང་གིས་ཟིན་ཚུལ།   དེ་ཡང་རིག་པའི་དབང་ཕྱུག་དགེ་བ་རྒྱལ་མཚན་ (1387-1462) གྱིས་མཛད་པའི་ཚད་མ་ཀུན་ལས་བཏུས་པ་ཞེས་བྱ་བའི་རབ་ཏུ་བྱེད་པའི་རྒྱན་ལས[1]། རབ་འབྱམས་ཞིང་གི་རྒྱལ་བ་སྲས་བཅས་ཀྱི། ། དགོངས་པ་ཇི་བཞིན་རིགས་པས་བསྒྲུབ་པའི་ཚུལ། ། རིགས་པས་སྒྲུབ་ལ་རྒྱལ་བ་གཉིས་པ་རུ། ། རྒྱལ་བས་ལུང་བསྟན་ཕྱོགས་ཀྱི་གླང་པོའི་གཞུང༌། །

བཅུ་གཅིག་པ། སློབ་དཔོན་ཕྱོགས་གླང༌ ༼དིགྣགཿ༽ གི་རྣམ་ཐར། ཀ༽ སློབ་དཔོན་ཕྱོགས་གླང་གི་མཚན་གྱི་སྐོར།   དེ་ཡང་རྡོ་སྦིས་དགེ་བཤེས་ཤེས་རབ་རྒྱ་མཚོས་ (1884-1968) མཛད་པའི་སྟོན་པ་དང་རྒྱན་དྲུག་མཆོག་གཉིས་ཀྱི་སྐུ་ཐང་གི་ཞལ་བྱང་དུ་གནང་བ་ལས[1]། ཚད་མའི་དེ་ཉིད་རབ་གསལ་ཉི་མའི་སྤྱན། ། སྤྱན་རས་གཟིགས་ལ་འཁུ་བའི་བརྩེ་བ་འཛིན། ། འཛིན་མའི་ཁྱོན་ན་སྨྲ་ངན་འཇོམས་པའི་ཕུལ། ། ཕུལ་བྱུང་རིགས་པའི་དབང་ཕྱུག་དི་ག་ནག །

ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་བཀྲ་ཤིས་བསམ་གཏན་གླིང་གི་བཀའ་བསྟན་རིན་པོ་ཆེའི་དཀར་ཆག་ཐུབ་བསྟན་གསལ་བྱེད་ལས[2]། དེ་ལྟར་རྒྱལ་བ་མྱ་ངན་ལས་འདས་པའི་ཚུལ་བསྟན་པའི་རྗེས་སུ་བསྡུ་བ་རིམ་པ་གསུམ་བྱུང་། དགྲ་བཅོམ་བདག་ཉིད་ཆེན་པོ་རྣམས་ཀྱིས་ཐུབ་པའི་བསྟན་པ་མ་ཉམས་པར་བཟུང་། དེ་ནས་རིམ་གྱིས་སེམས་ཅན་རྣམས་བསོད་ནམས་དམན་པས་ཆོས་མངོན་པ་ལ་དགྲ་ལན་གསུམ་བྱུང་བ་སོགས་ཐུབ་པའི་བསྟན་པ་ཉམས་དམས་པར་གྱུར།