བོད་ཀྱི་ལོ་ཙཱ་བ།

༄༅། །བོད་བརྒྱུད་ནང་བསྟན་ཕྱི་དར་གྱི་སྐབས་སུ་བྱོན་པའི་བོད་ཀྱི་ལོ་ཙཱ་བའི་དཔྱད་གླེང་། [ནང་དོན་གནད་བསྡུས།］ རྩོམ་འདིར་དེང་དུས་ཀྱི་འབྲེལ་ཡོད་བརྩམས་ཆོས་སུ་བསྟན་པ་ཕྱི་དར་སྐབས་བྱོན་པའི་བོད་ཀྱི་ལོ་ཙཱ་བའི་མཚན་གྲངས་ངོས་འཛིན་ཐད་དོགས་གནས་སུ་ཚུད་པ་དང་ཡང་ན་མ་དག་པའི་ཚུལ་རེ་འགའ་མཐོང་བ་རྣམས་གསལ་འདོན་བྱས་ཤིང་། སྔོན་བྱུང་འབྲེལ་ཡོད་བརྩམས་ཆོས་ཁག་ཅིག་དཔྱད་བསྡུར་གྱིས་བསྟན་པ་ཕྱི་དར་གྱི་དུས་རིམ་ནང་བྱོན་པའི་ལོ་ཙཱ་བའི་མཚན་གྲངས་ཅུང་འཐུས་ཚང་བའི་སྒོ་ནས་གླེང་ཡོད། [བརྡ་ཆད་གཙོ་བོ།] བསྟན་པ་ཕྱི་དར། བོད་ཀྱི་ལོ་ཙཱ་བ། ངོས་འཛིན། མཚན་བརྗོད།

༄༅། །བཀའ་བསྟན་གྱི་འགྱུར་བྱང་ལས་མཐོང་བའི་ཕྱིའི་ལོ་པཎ་གྱི་སྐོར་གླེང་བ། གནད་བསྡུས། བཀའ་བསྟན་གྱི་འགྱུར་བྱང་ཁྲོད་མཐོང་བའི་ཕྱིའི་ལོ་པཎ་གྱི་མཚན་དང་གྲངས་ལ་དབྱེ་ཞིབ་བྱས་པ་བརྒྱུད། དེ་ལས་ལོ་པཎ་ངོས་འཛིན་ལ་འཁྲུལ་ཉེན་གྱི་རྒྱུ་སྟེ། གང་ཟག་གཅིག་ལ་སཾ་བོད་སྐད་གཉིས་ཀྱི་མཚན་འཁོད་པ་གང་ཟག་གཉིས་སུ་འཁྲུལ་བ་དང་། མཚན་གཅིག་མཚུངས་ཅན་གྱི་ལོ་པཎ་སྔ་ཕྱིར་གང་ཟག་གཉིས་རེ་བྱོན་མྱོང་བ་གཅིག་ཏུ་འཁྲུལ་བ། དུས་སྐབས་སོ་སོར་ལེགས་སྦྱར་གྱི་སྐད་གདངས་བོད་ཡིག་ལ་ཕབ་འབྲི་བྱེད་སྟངས་མི་འདྲ་བ་ལས་གང་ཟག་གཅིག་གི་མཚན་གང་ཟག་དུ་མར་འཁྲུལ་ཉེན་པ་སོགས་འཁྲུལ་གཞི་གཙོ་བོ་འགའ་དམིགས་སུ་བཏོན་ཏེ་དཔྱད་པ་བྱས་འདུག གནད་ཚིག བཀའ་བསྟན། ཕྱིའི་ལོ་པཎ། དཔུང་སྡེ་གྲུབ་སྟངས།

ཕྱོགས་དུས་རྒྱལ་བ་སྲས་དང་བཅས་རྣམས་ཀྱིས།། བདག་ཅག་སྙིགས་དུས་འགྲོ་བ་མགོན་མེད་ལ།། སྐལ་མཉམ་གཟུགས་སུ་སྤྲུལ་ནས་དོན་མཛད་པ།། བླ་མ་སངས་རྒྱས་རྣམས་ལ་གསོལ་བ་འདེབས།། སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་གསོལ་འདེབས། ཀུན་བཟང་རྡོར་སེམས་དགའ་རབ་ཤྲཱི་སིང༌། ། པདྨ་ཀ་ར་རྗེ་འབངས་ཉེར་ལྔ་དང༌།། སོ་ཟུར་གནུབས་གཉགས་གཏེར་སྟོན་བརྒྱ་རྩ་སོགས། ། སྔ་འགྱུར་རིག་འཛིན་རྣམས་ལ་གསོལ་བ་འདེབས།།

བཀའ་བསྟན་གྱི་འགྱུར་བྱང་ཁག་ལས་གསལ་བའི་བསྟན་པ་སྔ་དར་གྱི་ལོ་ཙཱ་བའི་སྡེ། ཡུལ་ཤུལ་ཚེ་དབང་བཀྲ་ཤིས།   མཁས་དབང་དགེ་ཆོས་ཀྱི་གསུང་ཤིག་ལས། ད་ལྟ་ང་ཚོས་གདན་གྲུ་བཞི་ཁ་གང་མ་ཞིག་གི་སྟེང་ནས་ལྷོད་ཤིག་གེར་གཞུང་ལུགས་རྒྱ་ཆེན་པོ་མཇལ་དུ་ཡོད་པ་འདི་སྔོན་གྱི་ལོ་པཎ་རྣམས་ཀྱི་བཀའ་དྲིན་ཡིན། ཞེས་འབྱུང་ལ། གསུང་དེའི་ཚིག་རིས་ཇི་བཞིན་མ་འཁྱོང་མོད། ནང་དོན་དེ་འདྲ་ཞིག་ནི་གསུངས་ཡོད། གསུངས་པ་དེ་ནི་ཐུགས་ཧ་ཅང་ཡང་དག་པས། འདིར་ཡང་གཅིག་ནས་སྔོན་བྱོན་ལོ་ཙཱ་བའི་བཀའ་དྲིན་རྗེས་དྲན་དང་།