དཔལ་ནཱ་ལེནྡྲ། བྱོན་པ་ལེགས།
ག༽ བཀའ་གདམས་ཆོས་འབྱུང་ལས་བསྟན་བཅོས་མ་རྙེད་པ།
དེ་ཡང་ཨ་མྱེས་ངག་དབང་ཀུན་དགའ་བསོད་ནམས་ (1597-1659/1660) མཆོག་གིས་མཛད་པའི་དགེ་བའི་བཤེས་གཉེན་བཀའ་གདམས་པ་རྣམས་ཀྱི་དམ་པའི་ཆོས་བྱུང་བའི་ཚུལ་ལེགས་པར་བཤད་པ་ངོ་མཚར་རྒྱ་མཚོ་ལས[1]། གཞན་ཡང་ཇོ་བོ་ཆེན་པོས་མཛད་པ་ལ། ༡ བྱང་ཆུབ་ལྟུང་བཤགས་ཀྱི་འགྲེལ་པ་དམ་ཚིག་གིས་བསྡུས་པ་ཞེས་པའི་རྩ་ལྟུང་གི་བཤད་པ། ༢ གསང་འདུས་ཡེ་ཤེས་ཞབས་ལུགས་ལྷ་བཅུ་དགུའི་སྒྲུབ་ཐབས། ༣ བསྟོད་པ།
༤ འཇམ་དཔལ་རྡོ་རྗེ་དཔའ་བོ་གཅིག་པའི་སྒྲུབ་ཐབས། ༥ གསང་འདུས་འཇིག་རྟེན་དབང་ཕྱུག་ལྷ་བཅུ་དགུའི་སྒྲུབ་ཐབས་དང་། ༦ འཇིག་རྟེན་དབང་ཕྱུག་དཔའ་བོ་གཅིག་པའི་སྒྲུབ་ཐབས། ༧ འཇིག་རྟེན་དབང་ཕྱུག་གི་གཏོར་ཆོག་རྒྱས་པ། ༨ རྒྱལ་བ་རིགས་ལྔའི་བཀྲ་ཤིས་ཀྱི་ཚིགས་སུ་བཅད་པ། ༩ གྲུབ་ཆེན་ལཱུ་ཧི་པས་མཛད་པའི་དཔལ་མངོན་པར་རྟོགས་པའི་འགྲེལ་པ་ཆེན་མོ། ༡༠ འཁོར་ལོ་སྡོམ་པ་ལྷ་བཅུ་གསུམ་དང་། ༡༡ ལྷ་ལྔ་དང་། 12 དཔའ་བོ་གཅིག་པའི་སྒྲུབ་ཐབས། ༡༣ ཤར་ཕྱོགས་བྷཾ་ག་ལའི་ཚལ་དུ་བདེ་མཆོག་དཀྱིལ་འཁོར་ཞལ་གཟིགས་དུས་སུ་བསྟོད་པ། 14 རྡོ་རྗེ་ཕག་མོའི་སྒྲུབ་ཐབས་ཆེ་བ་རིན་ཆེན་རྒྱན་ཞེས་པ་དང་། 15 ཆུང་བ་གཅིག ། 16 རྡོ་རྗེ་རྣལ་འབྱོར་མ་ཞལ་གཟིགས་པའི་དུས་སུ་བསྟོད་པ། ༡༧/༡༨ ཡང་མཁའ་སྤྱོད་མ་དཀར་མོའི་སྒྲུབ་ཐབས་ཆེ་ཆུང་གཉིས། ༡༩ འབྱུང་པོ་ཐམས་ཅད་པའི་གཏོར་མའི་ཆོ་ག ། ༢༠ རབ་ཏུ་གནས་པའི་ཆོ་ག ། ༢༡ འཕགས་པ་ཀླུ་སྒྲུབ། ན་རོ་པ། སྒེག་པའི་རྡོ་རྗེ་དང་གསུམ་སྙན་ནས་སྙན་དུ་བརྒྱུད་པའི་མན་ངག་ཕྱོགས་གཅིག་ཏུ་མཛད་པ། ༢༢ སྒྲོལ་མ་ཡིད་བཞིན་འཁོར་ལོའི་སྒྲུབ་ཐབས། ༢༣ འཕགས་པ་བཅུ་གཅིག་ཞལ་གྱིས་བསྟོད་པ། ༢༤ སྤྱན་རས་གཟིགས་གཙོ་འཁོར་གསུམ་གྱི་སྒྲུབ་ཐབས། ༢༥ ཡི་གེ་དྲུག་པའི་མན་ངག ། ༢༦ སྤྱན་རས་གཟིགས་ཀྱི་རི་མོའི་བརྡ་པ། ༢༧ སྒྲོལ་མ་སྔོན་པོའི་བསྟོད་པ་ཞལ་གཟིགས་དུས་སུ་མཛད་པ། ༢༨ ཛམྦྷ་ལ་དཀར་པོའི་བསྟོད་པ། ༢༩ སྨན་བླ་གཙོ་འཁོར་གསུམ་གྱི་སྒྲུབ་ཐབས། ༣༠ ཚོགས་བདག་དཀར་པོའི་སྒྲུབ་ཐབས་ཆེ་ཆུང་གཉིས། ༣༡ མི་གཡོ་བ་སྔོན་པོའི་སྒྲུབ་ཐབས། 32 མགོན་པོ་གྲི་གུག་གི་སྒྲུབ་ཐབས། ༣༣ དཀྱིལ་ཆོག །༣༤ ཇོ་བོ་བོད་དུ་འབྱོན་ཁར་སློབ་མ་རྣམས་ལ་ཕྱི་བཅོས་སུ་གདམས་པ། 35 རྣམ་དག་གཙུག་གི་ནོར་བུ། ༣༦ གཞན་ཡང་ལྷ་བཙུན་བྱང་ཆུབ་འོད། ལོ་ཆེན་རིན་ཆེན་བཟང་པོ། འོལ་རྒོལ་པ་ཡེ་ཤེས་འབར། ཞང་སྣ་ཆུང་སྟོན་པ་རྣམས་ལ་གདམས་པ་དང་། ༣༧ ཇོ་བོས་མཛད་པའི་མདོ་བསྡུས་ཆེན་མོ། དང་པོ་རྒྱ་དཔེར་ལུས་པ། ཞང་ཤར་པ་བའི་ཕྱག་ཏུ་བྱུང་བས། པ་ཚབ་ལོ་ཙཱ་བ། གནས་གཞི་ཡང་གད་དུ་སྤྱན་དྲངས་ནས་བསྒྱུར་བར་བཤད་དེ། འདི་རྣམས་ནི་ཇོ་བོས་མཛད་པ་རྩོད་བྲལ་ཡིན་ལ། གཞན་ཡང་བསྟན་འགྱུར་གྱི་ཐོ་རྣམས་སུ་ཇོ་བོའི་མཛད་བྱང་སྦྱར་བ། 38 གཙུག་ཏོར་དྲི་མེད་དང་། ༣༩ གདུགས་དཀར་སོགས་རྒྱ་གཞུང་མང་དུ་འདུག་ཀྱང་འདིར་མ་བཀོད་དོ།།
40 སྙེ་ཐང་དུ་མཛད་པར་གྲགས་པའི་རིགས་ཀྱི་སྨོན་ལམ། ༤༡ ལྟ་ ༤༢ སྒོམ་ 43 སྤྱོད་གསུམ་གྱི་གླུ། ༤༤ བསམ་གཏན་ལ་བསྐུལ་བའི་གླུ། ༤༥ བདེ་བ་དྲུག་གི་གླུ། ༤༦ ལྟ་སྤྱོད་ཟུང་འབྲེལ་དུ་འབྲེལ་བའི་གླུ། 47 དུས་མཆོད་བཞིའི་ངོས་འཛིན་དང་ཕན་ཡོན། ༤༨ བདེ་མཆོག་རྒྱུད་ལ་བསྟེན་པའི་རླུང་གི་མན་ངག ། ༤༩ གཞན་ཡང་སྟོང་ཐུན་བརྒྱད་ཅུ་རྩ་གཉིས་སོགས་མཛད་བྱང་སྦྱར་བ་མང་དུ་སྣང་ཞིང་། ཕལ་ཆེར་མཛད་པར་མངོན་ཏེ། འདིར་དཔྱད་པ་ཞིབ་ཏུ་མ་བྱས་སོ། ། 50 རྩ་ལྟུང་གི་འགྲེལ་པ་སོགས་ཁ་ཅིག་ལ་ཡང་། ཇོ་བོས་མཛད་པ་ཡིན་མིན། བོད་སྔ་མ་དག་དཔྱད་པ་མཛད་མོད། འདིར་ཞིབ་ཏུ་མ་བྲིས་སོ། །ཞེས་གསལ་བ་ལྟར། བསྟན་བཅོས་མང་དུ་མཛད་པར་གསལ་བ་ལས་གོང་གསལ་ཨིན་ཨང་ཅན་ 11 རྣམས་རྙེད་སོན་བྱུང་ཡང་། བོད་ཨང་ཅན་ ༣༩ རྣམས་ཀྱི་མ་ཡིག་མ་རྙེད་དོ།། །།
དཔྱད་གཞིའི་ལུང་ཁུངས་ཡིག་ཆ།
[1] གངས་ཅན་རིག་བཅུད། ༼༨༽ བོད་ལྗོངས་བོད་ཡིག་དཔེ་རྙིང་དཔེ་སྐྲུན་ཁང་། ༢༠༡༣ ལོ། ཤོག་གྲངས་ ༣༠༤
ཡོང་ཁུངས། པཎ་གྲུབ་བཅུ་བདུན་གྱི་གསུང་འབུམ་དཀར་ཆག་བསྟན་པའི་མཛེས་རྒྱན། སྨད་ཆ། རྩོམ་པ་པོ་རྣམ་གྲྭ་ཐུབ་བསྟན་ཡར་འཕེལ། སྐུ་བཅར་རྣམ་རྒྱལ་གྲྭ་ཚང་དང་བཀྲ་ཤིས་སྒོ་མང་གྲྭ་ཚང་། ༢༠༢༣ ལོ། ཨ་རིའི་རྒྱལ་ས་ཝ་ཤིང་ཀྲོན། Westphalia Press ཤོག་གྲངས་ ༢༥༥ ནས་ ༢༥༧ བར་གསལ་བ་ལས་བཏུས་པའོ།།