དཔལ་ནཱ་ལེནྡྲ། བྱོན་པ་ལེགས།
ཆ༽ ཇོ་བོ་རྗེས་མཛད་པའི་བྱང་ཆུབ་ལམ་གྱི་རིམ་པ།
དཔལ་མར་མེ་མཛད་ཡེ་ཤེས་ཀྱིས་མཛད་པའི་བྱང་ཆུབ་ལམ་གྱི་རིམ་པ་དང་བཅས་པ་སྟེ། ༡༽ བྱང་ཆུབ་ལམ་གྱི་རིམ་པ་དང་། ༢༽ ལམ་རིམ་མདོར་བསྡུས་པ། ༣༽ བྱང་ཆུབ་ལམ་རིམ་བསྡུས་དོན། ༤༽ བྱང་ཆུབ་ལམ་རིམ་པའི་དཀའ་བའི་གནད་ཆེ་ལོང་ཙམ་ཞིག་བཤད་པ། ༥༽ ལྐོག་ཆོས་སམ། བྱང་ཆུབ་ལམ་གྱི་རིམ་པའི་གདམས་ངག་དམར་ཁྲིད་ཡི་གེར་བྲིས་པ། ༦༽ བཀའ་གདམས་གཞུང་པ་བའི་སྤྱོད་ཕྱོགས་ཀྱི་གདམས་ངག །༧༽ ངོ་སྤྲོད་ལྔ་ཚོམས།
༨༽ སྒོམ་ཆེན་ཆེ་འབྲིང་ཆུང་གསུམ་ལ་གདམས་པ། ༩༽ རྨི་ལམ་ངན་པ་ཟློག་པའི་སྔགས། ༡༠༽ ལྟས་ངན་པ་ཟློག་པའི་སྔགས། ༡༡༽ ནད་རིམས་བསྲུང་བའི་སྔགས། ༡༢༽ སྟོང་ཉིད་ཀྱི་ལྟ་བར་ཞེན་པ་ཟློག་ཕྱིར་དཀོན་བརྩེགས་ལས་དྲངས་པའི་ལུང་། ༡༣༽ ཆོས་ཡང་དག་པར་སྡུད་པའི་མདོ་ལས་གསུངས་པའི་སངས་རྒྱས་རྣམ་པ་བཅུ། ༡༤༽ ལམ་རིམ་གེགས་སེལ་གྱི་སྲུང་འཁོར་གཉིས། ༡༥༽ བྱང་ཆུབ་ལམ་གྱི་རིམ་པའི་མན་ངག་གི་སྤྱི་དོན། ༡༦༽ དོན་དམ་སེམས་བསྐྱེད་བཤད་པ་མེད་ཅེས་པ་ལ་དགག་པ། ༡༧༽ བྱང་ཆུབ་ཏུ་སེམས་བསྐྱེད་པའི་ཆོ་ག །༡༨༽ སྨོན་པའི་རྩ་ལྟུང་ལྔ་ལ་ཁྱད་པར་གྱི་ཡན་ལག་བཞི་བཞི་སོགས། ༡༩༽ སྐྱབས་འགྲོ་ཐུན་མོང་བའི་ཆོ་ག །༢༠༽ བསྙེན་གནས། ༢༡༽ དགེ་བསྙེན་དུ་ཉེ་བར་སྒྲུབ་པའི་ཆོ་ག །༢༢༽ བྱང་ཆུབ་སེམས་དཔའི་སྡོམ་པའི་སྙིང་པོ། ༢༣༽ ཆོས་འཛིན་པའི་ཕན་ཡོན་བློ་གྲོས་རྒྱ་མཚོའི་མདོ་ལས་དྲངས་པ། ༢༤༽ སྡོམ་པའི་སྙིང་པོའི་བསྡུས་དོན། ༢༥༽ ལྟུང་བ་ཕྱིར་བཅོས་པའི་ཐབས། ༢༦༽ ཆོས་ལ་བཟང་ངན་དུ་རྩི་བ་ལ་རྣམ་ཐར་བསྡུས་པའི་མདོའི་ལུང་དྲངས་ནས་དགག་པ་བཅས་ཡིག་རྙིང་བྲིས་མ་གསུང་པོད་གཅིག་ནང་ཇོ་བོའི་ཆོས་ཚན་ཆེ་ཆུང་རྣམ་གྲངས་ ༢༦ བཞུགས་ཤིང་། འདི་དག་གི་སྐོར་ཞིབ་ཕྲ་ཇོ་བོ་རྗེའི་རྣམ་ཐར་གྱི་སྐབས་སུ་དཔྱད་པ་ཟུར་དུ་བྱས་ཡོད་པ་དེར་གཟིགས་པར་འཚལ་ལོ།། །།
ཡོང་ཁུངས། པཎ་གྲུབ་བཅུ་བདུན་གྱི་གསུང་འབུམ་དཀར་ཆག་བསྟན་པའི་མཛེས་རྒྱན། སྨད་ཆ། རྩོམ་པ་པོ་རྣམ་གྲྭ་ཐུབ་བསྟན་ཡར་འཕེལ། སྐུ་བཅར་རྣམ་རྒྱལ་གྲྭ་ཚང་དང་བཀྲ་ཤིས་སྒོ་མང་གྲྭ་ཚང་། ༢༠༢༣ ལོ། ཨ་རིའི་རྒྱལ་ས་ཝ་ཤིང་ཀྲོན། Westphalia Press ཤོག་གྲངས་ ༢༤༥ ནས་ ༢༤༦ བར་གསལ་བ་ལས་བཏུས་པའོ།།