༄༅། །དཔལ་ནག་པོ་ཆེན་པོའི་བསྟོད་པ་རྐང་པ་བརྒྱད་པ། །

༄༅། །དཔལ་ནག་པོ་ཆེན་པོའི་བསྟོད་པ་རྐང་པ་བརྒྱད་པ།

༄༅༅། །རྒྱ་གར་སྐད་དུ། ཤྲཱི་མ་ཧཱ་ཀཱ་ལ་སྱ་ཥྚ་མནྟྲ་སྟོ་ཏྲ་ནཱ་མ། བོད་སྐད་དུ། དཔལ་ནག་པོ་ཆེན་པོ་ལ་བསྟོད་པ་རྐང་པ་བརྒྱད་པ་ཞེས་བྱ་བ། དཔལ་ནག་པོ་ཆེན་པོ་ལ་ཕྱག་འཚལ་ལོ། །ཨོཾ་གྲུབ་པར་གྱུར་ཅིག །ཧཱུཾ་ཧཱུཾ་ཕཊ་ཅེས་དྲག་པོའི་སྒྲ་ཡིས་སྲིད་པ་གསུམ་གྱི་ཁོང་ནི་མ་ལུས་འགེངས་ནུས་པའི། །ཧ་ཧ་ཊ་ཊ་ཞེས་བཞད་སྒྲ་ཡིས་གང་ཞིག་དུས་ཀུན་དུ་ནི་ཤིན་ཏུ་འཇིགས་མཛད་ཅིང་།[1] །ཀཾ་ཀཾ་ཀཾ་ཞེས་ཐོད་པའི་ཕྲེང་བས་དབུ་ལ་སྤྲས་ཤིང་།

ནག་པོའི་མཐུ༌[2]དང་མཚུངས་པའི་སྐུ། །བྷྲུཾ་བྷྲུཾ་བྷྲུཾ་ཞེས་ཁྲོས་པའི་མཆོག་གི་ཁྲོ་གཉེར་འཇིགས་མཛད་འཇིགས་པའི་ཁྭ༌[3]གདངས་ཤ་ཟ་ཞིང་། །དབུ་སྐྲ་དང་ནི་སྨ༌[4]ར་ཆེས༌[5]སེར་ཉེ་བར་སྤྱོད་པའི་ཞིང་སྐྱོང་ཁྱོད་ཀྱིས་སྲུང་བར་མཛོད། །རཾ་རཾ་རཾ་ཞེས་སྤྱན་མར༌[6]འཁྲུག་ཅིང་བསྒྱུར༌[7]མཛད་ཀྲུཾ་ཀྲུཾ་ཀྲུཾ་ཞེས་རབ་སྒྲོགས་སྤྱན་གྱིས་གཟིགས། །སྨིན་མ་སེར་ཞིང་མཆེ་གཙིགས་རོ་ཡི་གདན་ལ་དགྱེས་པའི་ཞིང་སྐྱོང་ཁྱོད་ཀྱིས་ཞིང་སྐྱོང་མཛོད། །ཧ་ཧ་ཧཱུཾ་དང་ཀཱི་ལི་ཀཱི་ལི་ཞེས་སྒྲོགས་ཕྱག་གཡོན་ཁ་ཊྭཱཾ་གར་བཅས་ཐོད་པ་བསྣམས། །རུ་རུ་རུ་ཞེས་ཁྲག་རྒྱུན་འབབ་པ་ཕྱག་གིས་བསྣམས་ཤིང་གསོལ་བ་འཐུངས་པ༌[8]ལ་དགྱེས་ཤིང་། །ཁཾ་ཁཾ་ཁཾ་ཞེས་གཏུམ་པའི་ཕྱག་གཡས་གྲི་གུག་རལ་གྲི་བགེགས་རྣམས་ལ་ནི་རོལ་མཛད་པའི།[9] །ཊཾ་ཊཾ་ཊཾ་ཞེས་ཌ་མ་རུ་ཅན་འདི་ཡིས་འདུལ་ཚད༌[10]འཁོར་བཅས་ཞིང་སྐྱོང་ཁྱོད་ཀྱིས་སྲུངས། །རབ་ཏུ་རྔམ་ཞིང་མགོ་བོ་རྣམས་ཀྱི་ཕྲེང་བས་གཤིན་རྗེ་དང་མཚུངས་འཇིགས་པའི་སྐུ་བརྒྱན་ཅིང་། །ཀྵཾ་ཀྵཾ་ཀྵཾ་ཞེས་བཟོད་པའི་ཐུགས་ཅན༌[11]ཅ་ཅོ་སྒྲོགས་པར་བྱེད་པའི་གདུག་པ་རྣམས་བཟུང༌[12]སྟེ། །གཅིག་པུས་སྣ་ཚོགས་མནན་ཅིང་མནན་ནས་ཧ༌[13]ཀ་ཧ་ཀ༌[14]བརྗོད་མཛད་ཆར་སྤྲིན་སྔོན་པོའི་མདོག །སྐུ་ལ་མི་ཡི་ཤ་དང་རྒྱུ་མས་བྲེལ༌[15]བའི་རྒྱན་གྱིས༌[16]ཀུན་ནས་བརྒྱན་ཅིང་ཞལ་དུ་གསོལ། །དྲག་ཤུལ་ཕྱག་གིས་འདོད་པའི་གཟུགས་དང་མི་སྡུག་གཟུགས་ཅན་གྱི་ནི་འབྱུང་པོ་རོ་ལངས་ཚོགས།[17] །མ་ལུས་བཟུང༌[18]ནས་མྱུར་དུ་བསད་པ་རྣམས་ཀྱི་མགོ་བོའི༌[19]ཁྲག་རྒྱུན་འབབ་པ་རབ་ཏུ་གསོལ། །ཧྲིཾ་ཀྵིཾ་ཤྲཱིཾ་གི་སྔགས་ཀྱི་གསུངས་ཅན་པ་ཙ་པ་ཙའི་སྔགས་ཀྱིས་བགེགས་རྣམས་རབ་ཏུ་སྲེག །རོལ་པས་རོལ་པ་སེལ་ཞིང་མི་ཡིས་གང་བའི་མཚོ༌[20]ལ་ཞིང་སྐྱོང་ཁྱོད་ཀྱིས་སྲུང་བར༌[21]མཛད།[22] །ཕེཾ་ཕེཾ་ཕཊ་ཅེས་སྒྲོགས་པ༌[23]སོ་སོར་བསྐྱོད་པའི་མེ་དཔུང་ཆེན་པོའི་དབུས་སུ་བཞུགས༌[24]ནས་སུ། །རིགས་ཀྱི་ལུས་ཅན་སྲུང་བར༌[25]མཛོད་ཅིག་སྒྲུབ་པོ་རྣམས་ཀྱི༌[26]ཞིང་རྣམས་ངེས་པར་སྐྱོང་མཛོད་ཅིག །[27]ཕྱུགས་རྣམས་ཀྱིས་ནི་ཉིན་རེ་བཞིན་དུ་བགེགས་དང་སྡིག་འཇོམས་དྲི་མེད་བརྙེས་པ༌[28]ཆུ་ཉི་བཞིན། །ཙཾ་ཙཾ་ཙཾ་ཞེས་གཏུམ་པོའི་ཤུགས་ཀྱིས་རབ་གཡོས་རྨད་བྱུང་འོད་ཀྱིས་འཇིག་རྟེན་སྣང་མཛད་པ། །ཀྲིཾ་ཀྲིཾ་ཀྲིཾ་ཞེས་གཤེགས་པས་དགྲ་བོ་ཉོན་མོངས་པ་རྣམས་ངེས་པར་ཉོན་མོངས་འཇོམས་མཛད་ཅིང་། །སཾ་སཾ་སཾ་ཞེས་ཚོགས་པའི་བདག་ཉིད་དག་ཐོས་ཅིང༌[29]འཛིན་ཞིང་སྐྱོང་གང་ཡིན་ཁྱོད་ཀྱིས་སྐྱོངས། །བཾ་བཾ་བཾ་ཞེས་གཤིན་རྗེ་ལྟར་འགྲོ༌[30]དྲི་མ་མེད་པའི་སྣ་ཚོགས་ཆུ་བཞིན་གཟིགས་མཛད་ཅིང་། །ཡཾ་ཡཾ་ཡཾ་ཞེས་རླུང་གི་ཤུགས་ཀྱིས་མྱུར་དུ་རྒྱུ་ཞིང་ཉོན་མོངས་འཇིག་རྟེན་གནོད་བྱེད་མཁྱེན། །ཀླཾ་ཀླིཾ་ཀླུཾ་ཞེས་གདུག་པའི་གཟུགས་ཀྱིས་སྲིད་གསུམ་ཉིན་མཚན་དུས་ཀུན་ཉོན་མོངས་གྱུར་པ་གང་། །[31]པཾ་པཾ་པཾ་ཞེས་ཐུགས་རྗེའི་ཞགས་པས་བྱོལ་སོང་རྣམས་འཛིན་ཕྱག་གིས་གདུལ་བྱ་རྣམས་སྐྱོང་བ། །སྔགས་བདག་སྔགས་ཀྱི་ལུས་ཅན་ཐུགས་ཀྱི༌[32]སྔགས་པ་རྣམས་ལ་འབྲས་བུ༌[33]བློ་གྲོས༌[34]མཚུངས་མེད་སྟེར། །ཞིང་རྣམས་སྐྱོང་བར་མཛད་པ་ཁྱོད་ཀྱིས་འགྲོ་བའི་ལུས་རྣམས་མ་ལུས་ཡུན་རིང་བསྐྱང་དུ་གསོལ། །སྒྲུབ་པ་པོ་ཡི་སློབ་དཔོན་འགའ་ཞིག༌[35]དམ་ཚིག༌[36]གང་ཞིག་བློ་ལྡན་གུས་པ༌[37]ཡི། །[38]ཐུན་གཉིས་སུ༌[39]ནི་སྔགས་རྣམས་བརྒྱད་པོ་ཀློག་བྱེད་དེ་ནི་བསོད་ནམས་ལྡན་པར་གྱུར་པ༌[40]དང་། །ཚེ་དང་དཔལ་དང་གྲགས་དང་མཐུ་སྟོབས་འབྱོར་པ་འཛིན་དང་གཟི་བརྗིད་རྒྱས་པ་མཚུངས་པ་མེད།[41] །ས་སྟེང་དང་ནི་མཐོ་རིས་སུའང་དེ་ཡི་བགེགས་ཀྱི་ཚོགས་རྣམས་རྟག་ཏུ་ཉམས་པར་འགྱུར། །དཔལ་ནག་པོ་ཆེན་པོ་ལ་བསྟོད་པ་རྐང་པ་བརྒྱད་པ་ཞེས་བྱ་བ། སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱི་ཞལ་མངའ༌[42]ནས་མཛད་པའོ།། །།རྒྱ་གར་གྱི་མཁན་པོ༌[43]ཤྲི་བཻ་རོ་ཙ་ན་བཛྲ་དང་། བོད་ཀྱི་ལོ་ཙཱ་བ་བནྡེ་ལྡི་རི༌[44]ཆོས་གྲགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །

 

བསྡུར་མཆན།

[1] མཛད་ཅིང་། ༼སྣར། པེ།༽ མཛད་པ།

[2] མཐུ་ ༼སྣར། པེ།༽ མཆུ་

[3] པའི་ཁྭ་ ༼སྣར། པེ།༽ པའི་

[4] སྨ་ ༼སྣར། པེ།༽ རྨ་

[5] ཆེས་ ༼སྣར། པེ།༽ ཆེར་

[6] སྤྱན་མར་ ༼སྣར། པེ།༽ སྤྱན་དམར་

[7] བསྒྱུར་ ༼སྣར། པེ།༽ སྒྱུར་

[8] བ་འཐུངས་པ་ ༼སྣར། པེ།༽ དེ་འཐུང་བ་

[9] མཛད་པའི། ༼སྣར། པེ།༽ མཛད་པ།

[10] ཚད་ ༼སྣར། པེ།༽ མཛད་

[11] ཐུགས་ཅན་ ༼སྣར། པེ།༽ གཟུགས་ཅན་

[12] བཟུང་ ༼སྣར། པེ།༽ གཟུང་

[13] སྣ་ཚོགས་མནན་ཅིང་མནན་ནས་ཧ་ ༼སྣར།༽ སྣ་ཚོགས་བསྣན་ཅིང་བསྣན་ནས་ ༼པེ།༽ སྣ་ཚོགས་བསྣན་ཅིང་བསྣན་ནས་ཀ་ཧ་

[14] ཧ་ཀ་ ༼སྣར།༽ ཧ་ཀ་ཧ་ ༼པེ།༽ ཧ་

[15] རྒྱུ་མས་བྲེལ་ ༼སྣར། པེ།༽ རྒྱུ་མ་སྦྲེལ་

[16] རྒྱན་གྱིས་ ༼སྣར། པེ།༽ ཕྲེང་བས་

[17] ཚོགས། ༼སྣར། པེ།༽ ཆགས།

[18] བཟུང་ ༼སྣར། པེ།༽ གཟུང་

[19] མགོ་བོའི་ ༼སྣར། པེ།༽ མགོ་བོ་

[20] མཚོ་ ༼སྣར། པེ།༽ ས་

[21] སྲུང་བར་ ༼སྣར། པེ།༽ བསྲུང་བར་

[22] མཛད། ༼སྣར། པེ།༽ མཛོད།

[23] པ་ ༼སྣར། པེ།༽ པས་

[24] བཞུགས་ ༼པེ།༽ གཞུགས་

[25] སྲུང་བར་ ༼སྣར། པེ།༽ སྐྱོད་པར་

[26] རྣམས་ཀྱི་ ༼སྣར། པེ།༽ རྣམས་ཀྱིས་

[27] མཛོད་ཅིག ། ༼སྣར། པེ།༽ མཛོད། །

[28] བརྙེས་པ་ ༼སྣར། པེ།༽ མཉེས་པ་

[29] དག་ཐོས་ཅིང་ ༼སྣར། པེ།༽ དམ་ཚིག་ཐོགས་

[30] འགྲོ་ ༼སྣར། པེ།༽ ཁྲོ་

[31] གང་། ། ༼སྣར། པེ།༽ ། །ཀྵཾ་ཀྵཾ་ཀྵཾ་ཞེས་ཕན་པར་མཛད་ཅིང་གནོད་པ་སྐད་ཅིག་གིས་སེལ་ཞིང་སྐྱོང་ཁྱོད་ཀྱིས་སྐྱོངས།

[32] ཐུགས་ཀྱི་ ༼སྣར། པེ།༽ ཐུགས་ཀྱིས་

[33] ལ་འབྲས་བུ་ ༼སྣར། པེ།༽ ལ་

[34] གྲོས་ ༼སྣར། པེ།༽ གྲོས་འབྲས་བུ་

[35] འགའ་ཞིག་ ༼སྣར། པེ།༽ གང་ཞིག་

[36] དམ་ཚིག་ ༼སྣར། པེ།༽ དམ་ཚིག་ཐོས་འཛིན་

[37] གུས་པ་ ༼སྣར། པེ།༽ གྱུར་པ་

[38] ཡི། ། ༼སྣར། པེ།༽ དག །

[39] གཉིས་སུ་ ༼སྣར། པེ།༽ གསུམ་དུ་

[40] གྱུར་པ་ ༼སྣར། པེ།༽ འགྱུར་བ་

[41] མཚུངས་པ་མེད། ༼སྣར། པེ།༽ མཚུངས་མེད་སྟེར།

[42] ཞལ་མངའ་ ༼སྣར། པེ།༽ ཞལ་སྔ་

[43] མཁན་པོ་ ༼སྣར། པེ།༽ མཁན་པོ་ཀོ་ས་ལའི་རྣལ་འབྱོར་པ་

[44] ལྡི་རི་ ༼སྣར། པེ།༽ དིང་རི་