བོད་ཀྱི་ལོ་ཙཱ་བ།

པཎ་གྲུབ་བཅུ་བདུན་གྱི་བསྟན་བཅོས་སྒྲ་སྒྱུར་གནང་མཁན་གྱི་ལོ་ཙཱ་བ་ ༨༩ མཚན་གཞུང་།   ༡༽ མགོན་པོ་ཀླུ་སྒྲུབ་ཀྱི་གསུང་གི་སྒྱུར་བྱེད་ལོ་ཙཱ་བ་རྣམས་ནི།   ༡༽  ལོ་ཙཱ་བ་ངན་ལམ་རྒྱལ་བ་མཆོག་དབྱངས། ༢༽  ལོ་ཙཱ་བ་གླང་དཔལ་གྱི་སེངྒེ་། ༣༽  ལོ་ཙཱ་བ་རྙི་བ་དེ་ཝ་གྷོ་ཥ། ༤༽  ལོ་ཙཱ་བ་སཱུརྱ་ཀཱིརྟི། ༥༽  ལོ་ཙཱ་བ་མལ་གྱོ་བློ་གྲོས་གྲགས། ༦༽  ལོ་ཙཱ་བ་བནྡེ་གཞོན་ནུ་ཤེས་རབ། ༧༽  ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས། ༨༽  རྡོ་ལོ་ཙཱ་བ་དགེ་སློང་དར་མ་རིན་ཆེན། ༩༽  ལོ་ཙཱ་བ་འབྲོ་ཤེས་རབ་གྲགས། ༡༠༽  ལོ་ཙཱ་བ་རབ་ཞི་བཤེས་གཉེན། ༡༡༽  ལོ་ཙཱ་བ་དིང་རི་ཆོས་གྲགས། ༡༢༽  ལོ་ཙཱ་བ་ཡར་ལུང་པ་སེངྒེ་རྒྱལ་མཚན། ༡༣༽  ལོ་ཙཱ་བ་རྩ་མི་སངས་རྒྱས་གྲགས་པ།

ལྷོ་བྲག་མར་པ་ལོ་ཙཱ་བ་ཆོས་ཀྱི་བློ་གྲོས་ཀྱི་རྣམ་ཐར། ལྷོ་བྲག་མར་པ་ལོ་ཙཱ་བ་ཆོས་ཀྱི་བློ་གྲོས་མཆོག་ནི། རྗེ་མར་པ་ལོ་ཙཱ་བ་རང་ཉིད་ཀྱིས་བསྒྱུར་བའི་འགྱུར་བྱང་དུ་དྷརྨ་བློ་གྲོས་ཞུ་སྲོལ་ཀྱང་འདུག ཁོང་ཉིད་ཀྱི་འཁྲུངས་ལོ་ལ་དཔའ་བོ་གཙུག་ལག་ཕྲེང་བས་བརྩམས་པའི་རྣམ་ཐར་དུ། རྣམ་ཐར་སྔ་རབས་མ་གཅིག་ཏུ་ཆུ་ཕོ་རྟ་ལོ་ཟླ་བ་བཅུ་གཅིག་པའི་ཚེས་བཅོ་ལྔ་སྐར་མ་རྒྱལ་ལ་འཁྲུངས་པར་བཤད་ཀྱང་། དེ་ལྟ་ན་ཇོ་བོ་རྗེ་དང་དགུང་གྲངས་མཉམ་པར་འགྱུར་བས་མ་དག་པར་སེམས།

༄༅། །ཆོས་རྒྱལ་ཆེན་པོ་ཁྲི་སྲོང་ལྡེའུ་བཙན་གྱི་བསྟོད་པ་གངས་ཅན་མ་ཞེས་བྱ་བ་བཞུགས་སོ། །   གངས་ཅན་འགྲོ་བ་ཐབས་ཀྱིས་གདུལ་བའི་ཕྱིར། །རྒྱལ་སྲས་ཐུ་བོ་རྗེ་བཙུན་འཇམ་པའི་དབྱངས། །བོད་ཡུལ་རྒྱལ་པོའི་ཚུལ་དུ་ལེགས་སྣང་བ། །ཁྲི་སྲོང་ལྡེའུ་བཙན་ཞབས་ལ་ཕྱག་འཚལ་བསྟོད། །ཉི་ཟླ་ཟུང་འདྲའི་མཁན་སློབ་རྣམ་གཉིས་སོགས། །རྒྱ་གར་པཎ་གྲུབ་བོད་ཀྱི་ལོ་ཙཱ་བ། །གངས་ཅན་ཕན་བདེའི་བྱེད་པོ་སྤྲུལ་པའི་སྐུ། །རྣམ་མང་བསྡུ་བར་མཛད་ལ་ཕྱག་འཚལ་བསྟོད། །རིག་པའི་གནས་དང་མདོ་རྒྱུད་བསྟན་བཅོས་གཞུང་། །མ་ནོར་བསྒྱུར་ཞུས་གཏན་ལ་ཕབ་མཛད་ཅིང་། །བཤད་སྒྲུབ་བསྟན་པའི་རྒྱལ་མཚན་རབ་ཏུ་བསྒྲེངས། །

ལམ་རིམ་བླ་བརྒྱུད་པའི་རྣམ་ཐར་དུ་གསལ་བའི་ནག་ཚོ་ལོ་ཙཱ་བའི་རྣམ་ཐར།   ནག་ཚོ་ལོ་ཙཱ་བ། དགེ་བཤེས་ནག་ཚོ་ལོ་ཙཱ་བ་ནི་ལྕགས་མོ་ཕག་ལ་གུང་ཐང་ཞེས་གྲགས་པ་མངའ་རིས་རྫོང་དགའི་ལྷ་གདོང་དུ་སྐུ་འཁྲུངས། གདུང་ནག་ཚོ། རབ་ཏུ་བྱུང་བའི་མཚན་ཚུལ་ཁྲིམས་རྒྱལ་བ། འདུལ་བ་མཁས་པར་མཁྱེན་པས་འདུལ་བ་འཛིན་པར་གྲགས། རྒྱ་བརྩོན་སེང་ལ་མངོན་པ་གསན། དགུང་ལོ་ཉེར་བདུན་པ་ལ་ཇོ་བོ་སྤྱན་འདྲེན་ལ་རྒྱ་གར་དུ་བྱོན། ཇོ་བོ་རྗེ་ལོ་བཅུ་དགུའི་བར་ཚུལ་བཞིན་བསྟེན། ཡོན་ཏན་ཐམས་ཅད་རྫོགས་པར་མཛད། ཇོ་བོ་རྗེ་བོད་དུ་སྤྱན་དྲངས་པས་བོད་ཁམས་སྤྱི་ལ་བཀའ་དྲིན་ཆེ་བ་ཡིན་པས། བོད་སྟོན་ཐམས་ཅད་ཀྱིས་ཀྱང་སློབ་དཔོན་ཞེས་བརྗོད་པ་ཡིན།