ཆ༽ རྒྱལ་སྲས་ཞི་བ་ལྷའི་རྣམ་ཐར།

༤༽ ངོ་མཚར་བའི་གཏམ་དྲུག་པ།   དེ་ཡང་རྒྱལ་པོའི་སྐུ་སྲུང་མཛད་དེ་རལ་གྲི་འོད་ཟེར་འབར་བས་རྒྱལ་པོ་དྲེགས་པ་ཅན་བཏུལ་བ་ངོ་མཚར་བའི་གཏམ་དྲུག་པ་ཡིན་པ་ནི། དཔའ་བོ་གཙུག་ལག་ཕྲེང་བས་ (1504-1566) མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྣམ་པར་བཤད་པ་ཐེག་ཆེན་ཆོས་ཀྱི་རྒྱ་མཚོ་ཟབ་རྒྱས་མཐའ་ཡས་པའི་སྙིང་པོ་ལས[1]། ཙནྡན་ཤིང་གི་གྲལ་རིའི་འོད་ཟེར་གྱིས། །རྒྱལ་པོ་འཁོར་དང་བཅས་པའི་དྲེགས་པ་བཏུལ། ། གདུལ་བྱའི་ཚོགས་རྣམས་ཡང་དག་ལམ་ལ་བཀོད། །ཡེ་ཤེས་གཟིགས་པ་ཐོགས་མེད་མངའ་དེར་འདུད། །

ཏ༽ རྒྱལ་པོ་དང་མུ་སྟེགས་པ་བཏུལ་བའི་རྟོགས་བརྗོད།   དེ་ཡང་པཎ་ཆེན་བློ་བཟང་ཆོས་རྒྱལ་ (1570-1662) གྱིས་མཛད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བ་ལྷའི་རྟོགས་པ་བརྗོད་པ་པདྨ་དཀར་པོའི་ཕྲེང་བ་བྱིན་རླབས་ཀྱི་དྲི་བསུང་འཕྲོ་བྱེད་ལས་[1]ཀྱང་། ཡིད་འཕྲོག་གུར་ཀུམ་གཞོན་ནུའི་ས་འཛིན་རྩེ། །ཨིནྡྲ་ནཱི་ལའི་སྤྲིན་གྱིས་གཡོགས་པ་བཞིན། །དམར་སེར་མཐོན་མཐིང་རལ་པའི་ཟུར་ཕུད་ཅན། །རྗེ་བཙུན་མཁྱེན་པའི་གཏེར་གྱིས་རིང་དུ་སྐྱོངས། །

༣༽ ངོ་མཚར་བའི་གཏམ་གསུམ་པ་བཞི་པ་ལྔ་པ་གསུམ། དེ་ཡང་ཀུན་མཁྱེན་རོང་སྟོན་ཤཱཀྱ་རྒྱལ་མཚན་ (1367-1449) གྱིས་མཛད་པའི་ཐེག་པ་ཆེན་པོ་དབུ་མའི་བླ་མ་བརྒྱུད་རིམ་ལ་བསྟོད་པ་རིན་པོ་ཆེའི་ཕྲེང་མཛེས་ལས[1]། འཇམ་དབྱངས་ཞལ་ལས་ལེགས་བཤད་བདུད་རྩི་ཐོབ། །ངོ་མཚར་མཛད་པ་རྨད་བྱུང་དུ་མ་བསྟན། ། མཁས་པའི་མཁས་མཆོག་རྣམས་ཀྱིས་རབ་བསྔགས་པ། །རྒྱལ་སྲས་ཞི་བ་ལྷ་ལ་ཕྱག་འཚལ་ལོ། །

ཉ༽ འཐབ་རྩོད་དང་ལྟ་ངན་བཟློག་ཅིང་ཕོངས་པ་ལས་བསྐྱབས་པའི་རྟོགས་བརྗོད།   དེ་ཡང་ཆོས་རྗེ་བློ་བཟང་ཆོས་འཛིན་དཔལ་བཟང་པོས་མཛད་པའི་རྒྱལ་སྲས་ཆེན་པོ་ཞི་བ་ལྷ་ལ་ངོ་མཚར་གཏམ་བདུན་གྱི་སྒོ་ནས་བསྟོད་པ་སྐལ་བཟང་དགའ་བྱེད་ལས[1]། དེ་ནས་ཤར་ཕྱོགས་རྩོད་འཁྲུགས་ཆེར་བྱེད་ཡུལ། །འགྲོ་ཀུན་རྫུ་འཕྲུལ་གྱིས་འདུམ་བདེ་ལ་བཀོད། ། ལྟ་ལོག་ལྔ་བརྒྱ་ཞག་བདུན་ཟན་ཆད་ཀུན། །ལྷུང་བཟེད་འབྲས་བཀང་གཅིག་གིས་ཚིམ་མཛད་དེ། །