བོད་གངས་ཅན་ལྗོངས་སུ་མཁན་སློབ་ཆོས་གསུམ་གྱིས་རྩིས་སྤྲོད་གནང་བའི་སངས་རྒྱས་ཀྱི་བསྟན་པ་འདི་ཉིད། དུས་རབས་ཉེར་གཅིག་པའི་ནང་འཛམ་གླིང་འདིའི་ཐོག་གི་ནང་པ་སངས་རྒྱས་པའི་ཆོས་བརྒྱུད་ཀྱི་ནང་ནས། དཔལ་ནཱ་ལེནྡྲའི་ཆོས་བརྒྱུད་དྲི་མ་མེད་པ་རིགས་པའི་ལམ་ནས་གཏན་ལ་ཕབ་སྟེ་འཆད་རྒྱུ་ཡོད་པ་ཞིག་དང་། བསམས་ན་བསམ་རྒྱུ་ཡོད་པ། བསྒོམས་ན་བསྒོམ་རྒྱུ་ཡོད་པ། མཐར་དེའི་ལག་རྗེས་སུ་རང་གི་སྒོ་གསུམ་ཞི་ཞིང་དུལ་བ་ཡོང་ཐུབ་པའི་ཆོས་ཚུལ་ཁྱད་པར་ཅན་ཞིག་ཡིན།

ཕྱི་ལོ་ ༢༠༡༨ ལོའི་ཟླ་བ་ ༡༡ པའི་ཚེས་ ༡༥ ཉིན་ཉི་ཧོང་དུ་སྩལ་པའི་བཀའ་སློབ་ལས་ཟུར་འདོན་ཞུས་པའོ།།