ནཱ་ལེནྡྲའི་མཁན་རབས།

བུ་སྟོན་ཆོས་འབྱུང་དུ་གསལ་བའི་ཞི་བ་ལྷའི་རྣམ་ཐར།

བུ་སྟོན་ཆོས་འབྱུང་དུ་གསལ་བའི་ཞི་བ་ལྷའི་རྣམ་ཐར། བུ་སྟོན་རིན་ཆེན་གྲུབ་ (1290-1364) ཀྱིས་མཛད་པའི་བུ་སྟོན་ཆོས་འབྱུང་ལས[1]། ལྷག་པའི་ལྷ་བརྙེས་ནཱ་ལེནྡྲའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང༌། །རྒྱལ་པོ་མུ་སྟེགས་བཏུལ་བའོ། །དེ་ལ་དང་པོ་ལྷོ་ཕྱོགས་སུ་ཡུལ་འཁོར་བཟང་པོ་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་ཞི་བའི་གོ་ཆ་ཞེས་བྱ་བར་བལྟམས་ནས་གཞོན་ནུའི་ཚེ་རིག་པ་མང་པོ་བསླབས་ཤིང་། ཁྱད་པར་དུ་ཀུ་སུ་ལུ་ཞིག་ལ་འཇམ་དཔལ་རྣོན་པོའི་སྒྲུབ་ཐབས་ཤིག་ཞུས་ཏེ་བསྒྲུབས་པས་ཞལ་མཐོང་ངོ་། །

མུ་མཐུད་ཀློགས།

ཞོལ་བཀའ་འགྱུར་དཀར་ཆག་ཏུ་གསལ་བའི་ཞི་བ་ལྷའི་རྣམ་ཐར།

ཞོལ་བཀའ་འགྱུར་དཀར་ཆག་ཏུ་གསལ་བའི་ཞི་བ་ལྷའི་རྣམ་ཐར།   ཞོལ་བཀའ་འགྱུར་དཀར་ཆག་རྒྱས་པ་ལས[1]། རྒྱལ་སྲས་ཞི་བ་ལྷའི་ལོ་རྒྱུས་ནི། ངོ་མཚར་ཅན་གྱི་གཏམ་བདུན་ཞེས་གྲགས་ཏེ། རྒྱལ་སྲིད་རབ་སྤངས་གྲུབ་པ་བརྙེས། །གཙུག་ལག་གཉིས་ཀྱི་ཕྱོགས་ལས་རྒྱལ། །རབ་བྱུང་བདེན་གཟིགས་རྫུ་འཕྲུལ་ལྡན། །ངོ་མཚར་བདུན་ལྡན་དེ་ལ་འདུད། །ཅེས་པ་ལྟར་ཏེ། སློབ་དཔོན་འདི་ཉིད་འཁྲུངས་པའི་ཡུལ་ནི། རྡོ་རྗེ་གདན་གྱི་ནུབ་ཕྱོགས་ཡུལ་འཁོར་བཟང་པོ་ཞེས་བྱ་བ་སྟེ། ཡུལ་དེར་ཡབ་རྒྱལ་པོ་དགེ་བའི་གོ་ཆ་དང་། ཡུམ་རྡོ་རྗེ་རྣལ་འབྱོར་མའི་སྤྲུལ་པར་གྲགས་པ་ཞིག་ཡོད་པ་དེ་གཉིས་ཀྱི་སྲས་སུ་མཚན་ཞི་བའི་གོ་ཆ་ཞེས་བྱ་བར་སྐུ་འཁྲུངས།

མུ་མཐུད་ཀློགས།

གྲུབ་ཆེན་ས་ར་ཧ་དང་། ཀླུ་སྒྲུབ། འཕགས་པ་ལྷ། ཀླུའི་བྱང་ཆུབ། སངས་རྒྱས་བསྐྱངས། ལེགས་ལྡན་འབྱེད། ཟླ་བ་གྲགས་པ་བཅས་ཀྱི་རྣམ་ཐར།

  གྲུབ་ཆེན་ས་ར་ཧ་དང་། ཀླུ་སྒྲུབ། འཕགས་པ་ལྷ། ཀླུའི་བྱང་ཆུབ། སངས་རྒྱས་བསྐྱངས། ལེགས་ལྡན་འབྱེད། ཟླ་བ་གྲགས་པ་བཅས་ཀྱི་རྣམ་ཐར།   གྲུབ་ཆེན་ས་ར་ཧའི་རྣམ་ཐར།   ཨ་མེས་ཞབས་ངག་དབང་ཀུན་དགའ་བསོད་ནམས་ (1597-1659) ཀྱིས་མཛད་པའི་དཔལ་གསང་བ་འདུས་པའི་དམ་པའི་ཆོས་བྱུང་བའི་ཚུལ་ལེགས་པར་བཤད་པ་གསང་འདུས་ཆོས་ཀུན་གསལ་བའི་ཉིན་བྱེད་ལས[1]། སྤྱིར་ཨོ་རྒྱན་དུ་ལ་ལས་དབང་དང་ལུང་ཐོབ་ཀྱང་རྒྱུད་མ་ལོན་པ་དང་། ལ་ལས་རྒྱུད་ལོན་ཀྱང་དབང་དང་ལུང་མ་ཐོབ་པ་ཡོད་ནའང་། རྒྱལ་པོ་འདིས་ཐམས་ཅད་དུས་གཅིག་ལ་ལོན་པ་ཡིན་ལ། དེ་ནས་རྒྱལ་པོ་དེས་གསང་བ་འདུས་པའི་དོན་བསྒོམས་པས་ཕྱག་རྒྱ་ཆེན་པོ་མཆོག་གི་དངོས་གྲུབ་བརྙེས་ནས་རྒྱུད་རྣམས་ཁྱེར་ཏེ་འཕགས་ཡུལ་དུ་བྱོན་པས།

མུ་མཐུད་ཀློགས།

༄༅། །ཇོ་བོས་བྱང་ཆུབ་སེམས་གཉིས་བཙལ་བའི་རྣམ་ཐར།

  ༄༅། །ཇོ་བོས་བྱང་ཆུབ་སེམས་གཉིས་བཙལ་བའི་རྣམ་ཐར།[1]   ༼ཇོ་ནང་རྗེ་བཙུན་ཀུན་དགའ་གྲོལ་མཆོག་ (1507-1565) གིས་མཛད་པ།༽   རྗེ་བཙུན་བྱམས་པ་དང་སྤྱན་རས་གཟིགས་ལ་ཕྱག་འཚལ་ལོ། །ཇོ་བོ་ལྷ་ཅིག་ཞེས་གྲགས་ཨ་ཏི་ཤས། །དགུང་ལོ་བཅུ་གཉིས་ལོན་ནས་བཅོ་བརྒྱད་བར། །རིགས་པའི་ཁུ་བྱུག་ཨ་ཝ་དྷཱུ་ཏཱི་པ། །ར་ཧུ་ལ་སོགས་བླ་མ་མང་བསྟེན་ནས། །གསང་སྔགས་རྒྱུད་སྡེའི་དགོངས་དོན་ཕལ་ཆེར་རྙེད། །ཏིང་འཛིན་མུ་མཐའ་མེད་པ་ཐུགས་ལ་འཁྲུངས། །ཁྱད་པར་སྐྱེས་མཆོག་ཨ་ཝ་དྷཱུ་ཏཱི་ལས། །

མུ་མཐུད་ཀློགས།