སྐྱོགས་སྟོན་ལོ་ཙཱ་བ་ངག་དབང་རིན་ཆེན་བཀྲ་ཤིས།

སྐྱོགས་སྟོན་ལོ་ཙཱ་བ་ངག་དབང་རིན་ཆེན་བཀྲ་ཤིས་ནི། ཕྱི་ལོའི་དུས་རབས་བཅོ་ལྔ་པའི་དུས་མཇུག་ཏུ་འཁྲུངས་པའི་ལོ་ཙཱ་བ་ཞིག་ཡིན། དགུང་ལོ་ཆུང་ངུའི་དུས་ནས་ཞ་ལུ་དགོན་གྱི་ཆོས་གྲྭར་ཞུགས་ཤིང་རབ་བྱུང་དང༌། དགེ་ཚུལ། དགེ་སློང་གི་སྡོམ་པ་རྣམས་རིམ་པས་བཞེས་ཏེ། འདུལ་བའི་ཆོས་གཞུང་སོགས་ལ་ཐོས་བསམ་མཛད། ལྷག་པར་དུ་ཞ་ལུ་ཆོས་སྐྱོང་བཟང་པོ་ (༡༤༤༡༡༥༢༧) བཤེས་གཉེན་དུ་བསྟེན་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པར་མཛད་པས་མཁས་པ་ཆེན་པོར་གྱུར། ལེགས་སྦྱར་གྱི་སྐད་ཡིག་ལ་ཡང་ནང་བྱན་ཆུད་པ་མཛད་དེ་བསྟན་བཅོས་གཅིག་ཙམ་བོད་ཡིག་ཏུ་བསྒྱུར་བར་མཛད། རབ་བྱུང་དགུ་པའི་མེ་སྤྲེལ་ཕྱི་ལོ་ ༡༥༣༦ ལོར། ༡) བརྡ་གསར་རྙིང་གི་རྣམ་གཞག་ལི་ཤིའི་གུར་ཁང་མཛད། ཁོང་གི་གསུང་རྩོམ་ནི། ༢) མངོན་བརྗོད་ཉེར་མཁོ་བསྡུས་པ་དང། བསྒྱུར་རྩོམ་ནི། ༡) བསྟན་འགྱུར་ལས་ཙན་དྲ་པའི་ཡི་གེའི་འགྲེལ་པ་བཅས་བཞུགས། དག་ཡིག་འདི་ནི་བོད་རབ་བྱུང་བརྒྱད་པ་གདོང་ངན་ཞེས་པ་མེ་ཕོ་སྤྲེལ་ལོ་སྟེ་ཕྱི་ལོ་ ༡༡༣༦ ལོར་བརྩམས་པའི་བརྡ་གསར་རྙིང་གི་ཁྱད་པར་སྟོན་པའི་དག་ཡིག་ཅིག་ཡིན། སྤྱི་ཚོགས་ཚན་རིག་ཁང་མི་རིགས་བརྟག་དཔྱད་ཁང་གི་རྣམ་རྒྱལ་ཚེ་རིང་ལགས་ཀྱིས་རྒྱ་ཡིག་ཏུ་བསྒྱུར་གནང་མཛད་ཡོད། ལོ་རྒྱུས་ཞིབ་པ་མ་རྙེད་པས་འཁྲུངས་འདས་ཀྱི་ལོ་ཚིགས་སོགས་རྒྱས་པ་ཞིག་འགོད་ཐབས་མ་བྱུང༌ངོ་།།

Leave a Reply

Your email address will not be published. Required fields are marked *