པཎ་གྲུབ་བཅུ་བདུན་གྱི་གསོལ་འདེབས་བསྡུས་པ།

པཎ་གྲུབ་བཅུ་བདུན་གྱི་གསོལ་འདེབས་བསྡུས་པ།[1]

 

དབུ་མའི་ལམ་སྟོན་ཤིང་རྟ་ཆེ། །

རྒྱལ་བ་གཉིས་པ་ཀླུ་སྒྲུབ་ཞབས། །

 

ཀླུ་སྒྲུབ་ལུགས་འཛིན་གཙུག་གི་རྒྱན། །

མཁས་མཆོག་ཨཱརྱ་དེ་ཝའི་ཞབས། །

 

འགྲེལ་མཛད་ཐལ་འགྱུར་སྲོལ་ཕྱེ་བའི། །

གྲུབ་བརྙེས་སློབ་དཔོན་སངས་རྒྱས་བསྐྱངས། །

ཐ་སྙད་རང་མཚན་མི་འགོག་པའི། །

རང་རྒྱུད་གསལ་མཛད་ལེགས་ལྡན་འབྱེད། །

 

ཀླུ་སྒྲུབ་བཞེད་གཞུང་ཐུན་མིན་ལམ། །

གསལ་བར་སྟོན་མཛད་ཟླ་བ་གྲགས། །

 

རྨད་བྱུང་ཟབ་རྒྱས་གདམས་པའི་མཛོད། །

རྒྱལ་སྲས་ཆེན་པོ་ཞི་བ་ལྷ། །

 

གཟུང་འཛིན་གཉིས་མེད་དབུ་མའི་སྲོལ། །

གཏོད་མཛད་མཁན་ཆེན་ཞི་བ་འཚོ། །

 

ཞི་ལྷག་བསྒོམ་རིམ་མདོ་རྒྱུད་བཞིན། །

འདོམས་མཛད་པདྨའི་ངང་ཚུལ་ཞབས། །

 

རྣམ་རིག་གསལ་མཛད་ཤིང་རྟ་ཆེ། །

རྒྱལ་རིགས་འཕགས་པ་ཐོགས་མེད་ཞབས། །

 

ཆོས་མངོན་སྡེ་བདུན་རྣམ་རིག་སྲོལ། །

འཛིན་མཁས་བྲམ་ཟེ་དབྱིག་གཉེན་ཞབས། །

 

དངོས་སྟོབས་རིགས་སྨྲའི་གཙུག་གི་རྒྱན། །

ཚད་མའི་སྲོལ་འབྱེད་ཕྱོགས་གླང་ཞབས། །

 

རིགས་པའི་ལམ་ལས་ཐུབ་པའི་བསྟན། །

གསལ་བར་འདོམས་མཛད་ཆོས་ཀྱི་གྲགས། །

 

ཡུམ་ཆེན་ཤེར་ཕྱིན་འགྲེལ་བྱེད་མཆོག །

འཕགས་པའི་སར་གནས་གྲོལ་བའི་སྡེ། །

 

ཡུམ་གསུམ་དགོངས་དོན་མན་ངག་བཞིན། །

གསལ་བར་ཕྱེ་བ་སེང་གེ་བཟང་། །

 

ཐམས་ཅད་ཡོད་སྨྲའི་འདུལ་བའི་གཞུང་། །

གསལ་མཛད་གཙུག་ནོར་ཡོན་ཏན་འོད། །

 

འདུལ་བ་འདུམ་སྡེའི་བདག་ཉིད་ཆེ། །

བརྟན་མཁས་སློབ་དཔོན་ཤཱཀྱ་འོད། །

 

ཐུབ་གསུང་དགོངས་བཅུད་མདོར་དྲིལ་བའི། །

ལམ་སྒྲོན་གསལ་མཛད་མར་མེ་མཛད། །

 

[1] ༸རྒྱལ་བའི་ཕོ་བྲང་གི་གཟིམ་ཆུང་རྙིང་པའི་ཕུར་པའི་ཚོགས་ཁང་དུ་ཞལ་འགྲེམས་ཞུས་པའི་སྐུ་ཐང་གི་མཚན་བྱང་ལས་བཏུས་པའོ།།

Leave a Reply

Your email address will not be published. Required fields are marked *